სწრაფად მოსამზადებელი ვაშლის ორცხობილები, რომელთა საუცხოო გემო გულგრილს არ დაგტოვებთ

1224

სწრაფად მოსამზადებელი ვაშლის გასაოცარი ორცხობილები, რომელთა საუცხოო გემო აღგაფრთოვანებთ.

დესერტი ჩაისთვის, რომელიც თქვენს ოჯახურ თავყრილობას კიდევ უფრო გაალამზებს.

ინგრედიენტები ცომისთვის:

  • ფქვილი 300-400 გრ
  • კარაქი 200გრ
  • არაჟანი 200გრ
  • ვანილი 10 გრ
  • გამაფხვიერებელი 1 ჩ. კ.

ინგრედიენტები შიგთავსისთვის:

  • ვაშლი 4 ცალი
  • შაქარი 100გრ
  • ლიმონის წვენი 2 ს. კ.
  • ნიგოზი 100 გრ
  • კვერცხი (ზემოდან გადასასმელად)

მომზადების წესი:

  1. კარგად აურიეთ დარბილებული კარაქი, არაჟანი, ვანილი.
  2. ნაწილ-ნაწილ დაამატეთ ფქვილი, გამაფხვიერებელი და მოზილეთ ფაფუკი ცომი, რომელიც ხელებზე არ უნდა გეკრობოდეთ.
  3. ვაშლი გათალეთ, გახეხეთ, დაასხით ლიმონის წვენი და კარგად აურიეთ.
  4. მაგიდაზე მოაყარეთ ფქვილი და ცომი გააბრტყელეთ, მიეცით მართკუთხედის ფორმა.
  5. ცომზე დაიტანეთ ვაშლის შიგთავსი, მოაყარეთ შაქარი, დაჭრილი ნიგოზი და გადაახვიეთ რულეტივით.
  6. მომზადებული ცომი დაჭერით თქვენთვის სასურველ ფორმებად, რომელთა სისქე დაახლოებით 2-3  სანტიმეტრია.
  7. საცხობ ფორმაზე დააფინეთ პერგამენტის ქაღალდი, დააწყვეთ ორცხობილები და ზემოდან გადაუსვით ათქვეფილი კვერცხი.
  8. ფორმა შედეთ წინასწარ გაცხელებულ ღუმელში და გამოაცხვეთ 180 გრადუს ტემპერატურაზე დაახლოებით 30 წუთის განმავლობაში.

გემრიელად მიირთვით!