შემოგთავაზებთ იაპონური ჩიზქეიქის რეცეპტს. გენიალური ტორტი მაცდურად რბილია და გამორჩეულია წარმოუდგენლად ნაზი გემოთი.
მოსამზადებლად დაგჭირდებათ მხოლოდ 3 ინგრედიენტი:
- კვერცხი 3 ცალი
- თეთრი შოკოლადი 120 გრ
- ნაღების ყველი (მასკარპონე) 120 გრ
მომზადების წესი:
- შოკოლადო დატეხეთ, ჩაყარეთ თასში და გაადნეთ ორთქლის აბაზანაზე.
- კვერცხის გული და ცილა გამოყავით ერთმანეთისგან. ცილა მიქსერით კარგად ათქვიფეთ.
- გამდნარი შოკოლადი შეურიეთ ოთახის ტემპერატურის მასკარპონეს.
- შოკოლადის მასას სათითაოდ შეათქვიფეთ კვერცხის გულები. შემდეგ ნაწილ-ნაწილ დაამატეთ ათქვეფილი ცილა. მიიღებთ ჰაეროვან მასას.
- დაგჭირდებათ 20 სმ დიამეტრის ტორტის ფორმა. ჩააფინეთ საცხობი ქაღალდი და მომზადებული მასა თანაბრად გაანაწილეთ.
- ღუმელი გააცხელეთ 170 გრადუს ტემპერატურაზე.
- ტორტის ფორმა დადეთ საცხობ ფორმაზე. საცხობ ფორმაზე დაასხით ¼ ლ ადუღებული წყალი და შედეთ 170 გრადუს ტემპერატურაზე გაცხელებულ ღუმელში. 15 წუთის შემდეგ დაუწიეთ 160 გრადუსამდე და აცხობთ კიდევ 15 წუთი.
გაგრილებულ ტორტს მოაყარეთ შაქრის ფხვნილი. გემრიელად მიირთვით და ისიამოვნეთ!
