გაუხეშებული ქუსლები ძალიან ბევრი ადამიანის პრობლემაა. გარდა იმისა, რომ ნახეთქები მტკივნეულია, ამავე დროს ესთეტიკურადაც უსიამოვნო დასანახია. მეც განვიცდიდი ამ პრობლემას და გაუხეშებული ქუსლების გამო ძალიან დიდ დისკომფორტს ვგრძნობდი. ვცადე უამრავი საშუალება, ვიღებდი შედეგს, მაგრამ კვლავ ვუბრუნდებოდი საწყის ეტაპს. ბოლოს გადავწყვიტე ხალხური მედიცინის რეცეპტები გამომეყენებინა. და მართლაც, ამ კვლევა-ძიებაში მივაკვლიე უძლიერესი სამკურნალო საშუალების რეცეპტს, რომელიც ყველასთვის ხელმისაწვდომი და უმარტივესი მოსამზადებელია.
საკუთარ გამოცდილებას გაგიზაირებთ თქვენც, რადგან ჩემთვის ეს პრობლემა ძალიან მტკივნეული და დამთრგუნველი იყო.
გაუხეშებული ქუსლების დასარბილებლად დაგჭირდებათ 1 ცალი ლიმონის წვენი და დამატენიანებელი მალამო.
- ლიმონი გაჭერით შუაზე, გამოწურეთ წვენი, რადგან თქვენ გჭირდებათ მხოლოდ კანი და ლიმონის ცოტა რბილობი.
- ლიმონის გამოწურული ნაწილები დაიდეთ ქუსლებზე.
- ამოიცვით წინდები და ნატურალური პროდუქტის საფენები გაიჩერეთ დაახლოებით 30 წუთი. ნახევარი საათით მოდუნდით, ფეხის კანიც აღდგება და შედეგიც გაგახარებთ.
- 30 წუთის შემდეგ გაიხადეთ წინდები, მოიშორეთ ლიმონის კანი და დახედეთ თქვენს ქუსლებს. პირველი პროცედურის შემდეგ კანი საგრძნობლად დაგირბილდებათ და ნახეთქებიც შეგიმცირდებათ. ლიმონის რბილობი და ქერქი შეიცავს ეთერზეთებს, რომლებიც არბილებს კანს, აახლებს და ათავისუფლებს მკვდარი უჯრედებისგან. თუ ამ მეთოდით მკურნალობას გააგრძელებთ რეგულარულად კანი ქუსლებზე გაგიხდებათ გლუვი.
- პროცედურის შემდეგ ქუსლებზე წაისვით დამატენიანებელი მალამო, ქოქოსის ან თქვენთვის ხელმისაწვდომო ნებისმიერი ზეთი, რომლებიც ქუსლებს დიდი ხნით შეუნარჩუნებს სიგლუვეს. ლიმონის სკრაბის შემდეგ ზეთის ან მალამოს საკვები ნივთიერებები კარგად აღწევს კანის ღრმა შრეებში.
ეს არის ნახეთქების მკურნალობის ეფექტური მეთოდი. პირადად მე დიდი ხანია ვიყენებ ამ მეთოდს და ყველას ვუყვები მის შესახებ, რადგან ქუსლებზე ნახეთქები საკმაოდ გავრცელებული პრობლემაა. ლამაზი და სთუთი ქუსლები კი ყველას ოცნებაა.
ჩემი გამოცდილება თქვენც გაგიზიარეთ და გირჩევთ, აუცილებლად ცადოთ და იზრუნოთ თქვენს სილამაზეზე.
