შემოგთავაზებთ კეფირის ბაზაზე მომზადებული ნაზი და ფაფუკი ცომის რეცეპტს. მოცემული ცომით შეგიძლიათ თქვენთვის სასურველი შიგთავსით მოამზადოთ უგემრიელესი ღვეზელები.
ცომის მოსამზადებლად დაგჭირდებათ შემდეგი ინგრედიენტები:
- კეფირი 200 მლ
- ზეთი 60 მლ
- ფქვილი 2 ჩ. ჭ.
- საფუარი 15 გრ
- შაქარი ნახევარი ჩ. კ.
- მარილი 1 ჩ. კ.
მომზადების წესი:
- კეფირი და ზეთი გააცხელეთ 38 გრადუს ტემპერატურაზე, დაამატეთ შაქარი, მარილი, საფუარი და აურიეთ.
- ფქვილი გაცერით, დაამატეთ კეფირიან მასას და მოზილეთ რბილი ცომი. მზა ცომი 30-60 წუთით დააყოვნეთ სითბოში და დაელოდეთ აფუებას.
- ცომი გაყავით თანაბარ ნაწილებად, მოამზადეთ პატარა გუნდები, გადააფარეთ ცელოფანი და დაასვენეთ 10 წუთი.
- შემდეგ ცომი გააბრტყელეთ, ჩადეთ თქვენთვის სასურველი შიგთავსი, ეს იქნება გემრიელად შეზავებული გატარებული ხორცი, მოხარშული კარტოფილი, ყველი, კომბოსტო, ხილფაფა, გამოხელეთ თქვენთვის სასურველი ფორმის ღვეზელები და დააწყვეთ საცხობ ფორმაზე.
- დაასვენეთ კიდევ 30 წუთი. ღვეზელებს გადაუსვით კარგად ათქვეფილი კვერცხი და გამოაცხვეთ 200 გრადუს ტემპერატურაზე.
ოქროსფრად დაბრაწული ღვეზელები თქვენი ოჯახის საყვარელი კერძი გახდება.
