შემოგთავაზებთ ხაჭოს სასიამოვნო არომატით გაჯერებული ხრაშუნა და ჰაეროვანი ცომით მომზადებული უგემრიელესი დესერტის რეცეპტს. ხაჭოიანი ბანანები ისეთი გემრიელია, რომ თითებს ჩაიკვნეტთ.
ცომის მოსამზადებლად დაგჭირდებათ შემდეგი ინგრედიენტები:
- 200 გრ მარგანინი
- 1 ჩ. ჭ. არაჟანი
- ვანილი
- 1 ჩ. კ. სოდა და ძმარი
- 3 ჩ. ჭ. ფქვილი
გულსართისთვის დაგჭირდებათ შემდეგი ინგრედიენტები:
- 300 გრ ხაჭო
- ნახევარი ჩ. ჭ. შაქრის ფხვნილი
- მწიკვი მარილი
- ბანანი (სურვილისამებრ)
მომზადების წესი:
- არაჟანს დაამატეთ ძმრიანი სოდა და ვანილი. დარბილებული მარგანინი მიქსერით კარგად ათქვიფეთ.
- შემდეგ დაამატეთ არაჟნიანი მასა, აურიეთ და ნელ-ნელა შეაზილეთ გაცრილი ფქვილი. მზა ცომს გადააფარეთ საკვების ცელოფანი და 1 საათით შედეთ მაცივარში.
- ამზადებთ გულსართს: ხაჭო დააბლენდერეთ. თუ ბანანით ამზადებთ, დააბლენდერეთ და შეურიეთ ხაჭოს. დაამატეთ შაქრის ფხვნილი და კარგად აურიეთ. ცომი გაყავით 4 ნაწილად, შემდეგ თითოეული მათგანი გაყავით 8-10 ნაწილად.
- თითოეული გუნდა ოვალურად გააბრტყელეთ. შუაში ჩადეთ 1 სუფრის კოვზამდე გულსართი, ცომის მთელ სიგრძეზე თანაბრად გაანაწილეთ და რულეტივით გადაახვიეთ, კიდეები შეაერთეთ და მიეცით ბანანის ფორმა. საცხობ ფორმაზე დააფინეთ პერგამენტი და დააწყვეთ ბანანები.
- ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 20-25 წუთი და ჰაეროვანი, ხრაშუნა ნამცხვრები, ხაჭოს შიგთავსით, მზად არის. ზემოდან მოაფრქვიეთ შაქრის ფხვნილი.
გემრიელად მიირთვით და ისიამოვნეთ!
