შემოგთავაზებთ უგემრიელესი ღვეზელის რეცეპტს. ღვეზელი უმარტივესი მოსამზადებელია. რამდენიმე წუთში შეძლებთ, ბანანის არომატით გაჯერებული დესერტის ჩაისთან ერთად მირთმევას.
ბანანის ღვეზელის მოსამზადებლად დაგჭირდებათ შემდეგი ინგრედიენტები:
- 150 გრ ფქვილი
- 3 კვერცხი
- 3-4 ბანანი
- 1 ჩ. ჭ. შაქარი
- 75 გრ კარაქი
- 1 ჩ. კ. საფუარი
მომზადების წესი:
- კვერცხი შაქართან ერთად კარგად ათქვიფეთ. დაამატეთ გამდნარი კარაქი, ფქვილი, საფუარი და აურიეთ ერთგვაროვანი მასის მიღებამდე.
- პატარა ნაჭრებად დაჭრილი ბანანი დაამატეთ ცომს და ნაზად აურიეთ.
- საცხობ ფორმას წაუსვით კარაქი, გადაიტანეთ ცომი და თანაბრად გაანაწილეთ.
ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 30-40 წუთი. გემრიელად მიირთვით!
