შემოგთავაზებთ არომატული და ძალიან გემრიელი ბერძნული სოუსის ,,ძაძიკის“ რეცეპტს. სოუსი შეგიძლიათ მიირთვათ პურთან, კარტოფილთან, მაკარონთან, შემწვარ ხორცთან ან თქვენთვის სასურველ კერძთან ერთად.
,,ძაძიკის“ მოსამზადებლად დაგჭირდებათ შემდეგი ინგრედიენტები:
- გაწურული მაწონი 300 გრ
- ნიორი 1 კბილი
- კიტრი 1 ცალი
- კამა 25 გრ
- ზეითუნის ზეთი 1 ჩ. კ.
- მარილი გემოვნებით
მომზადების წესი:
- დაქუცმაცებული ნიორი და გაწურული მაწონი აურიეთ და შეაზავეთ მარილით.
- კიტრი გათალეთ და დაჭერით პატარა კუბიკებად, მოაყარეთ მარილი, გააჩერეთ 15 წუთი და წვენის გამოყოფის შემდეგ გადაიტანეთ საწურზე. თუ გსურთ, რომ კიტრი ხრაშუნა დარჩეს ხელით გაწურეთ.
- მაწონს დაამატეთ კიტრი, წვრილად დაჭრილი კამა, ზეითუნის ზეთი და აურიეთ. გემოვნების მიხედვით შეგიძლიათ დაამატოთ პიტნა ან ლიმონის წვენი.
გემრიელად მიირთვით და ისიამოვნეთ!
