ხაჭოს ნამცხვრები გამორჩეულია განსაკუთრებული სინაზითა და არომატით. შემოგთავაზებთ ხაჭოს დესერტის რეცეპტს. მსუბუქი ტექსტურის კექსი სასიამოვნო და ტკბილი შიგთავსით უგემრიელესია.
დესერტის მოსამზადებლად დაგჭირდებათ შემდეგი ინგრედიენტები:
- ოთახის ტემპერატურის კარაქი 100 გრ
- შაქარი 100 გრ
- კვერცხი 3 ცალი
- ფქვილი 200 გრ
- ხაჭო 200 გრ
- გამაფხვიერებელი 1 ჩ. კ.
- ვანილის ესენცია 1 ჩ. კ.
- მოხარშული შესქელებული რძე 1 ქილა
- ნიგოზი 50 გრ
მომზადების წესი:
- კარაქი და შაქარი აურიეთ. შემდეგ შეათქვიფეთ კვერცხი.
- გაცრილ ფქვილს შეურიეთ გამაფხვიერებელი და ნელ-ნელა შაზილეთ კვერცხიან მასას. მომზადებული ცომი გაყავით 2 ნაწილად.
- კექსის საცხობ ფორმას წაუსვით კარაქი და ცომის ნახევარი თანაბრად გაანაწილეთ. შემდეგ შუაში ჩადეთ შესქელებული რძე და მოაყარეთ დაჭრილი ნიგოზი. ზემოდან გაანაწილეთ ცომის დარჩენილი ნაწილი.
- ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 20-30 წუთი.
კექსი კარგად უნდა ამოვიდეს და ოქროსფრად დაიბრაწოს. დესერტი გააგრილეთ და შემდეგ ამოიღეთ ფორმიდან.
გემრიელად მიირთვით!
