შემოგთავაზებთ უგემრიელესი, არომატული და ფუმფულა პურის რეცეპტს.
საჭირო ინგრედიენტები:
- თბილი წყალი 3 ჩ. ჭ.
- შაქარი ¼ ჩ. ჭ.
- საფუარი 1 ½ ს. კ.
- ზეთი 1/3 ჩ. ჭ.
- მარილი 1 ს. კ.
- ფქვილი 6-7 ჩ. ჭ.
- 1 ს.კ. ხორბლის წებოვანა (თუ იყენებთ ხორბლის ფქვილს)
თქვენ შეგიძლიათ გამოიყენოთ როგორც პირველი, ასევე უმაღლესი ხარისხის ხორბლის ფქვილი. თუ არჩევანს უმაღლესს ხარისხზე შეაჩერებთ, აიღეთ ფქვილი დაახლოებით 8 ჩაის ჭიქის ოდენობით.
მომზადების წესი:
- დიდ თასში ჩაასხით თბილი წყალი, გახსენით საფუარი, დაამატეთ შაქარი, აურიეთ და გააჩერეთ 10 წუთი.
- დაამატეთ ზეთი, მარილი, გაცრილი ფქვილი (დაიწყეთ 6 ჭიქით) და მოზილეთ ცომი. საჭიროების მიხედვით დაამატეთ ფქვილი. ცომი უნდა იყოს გლუვი, ელასტიური და ოდნავ წებოვანი.
- თასს გადააფარეთ ტილო და გააჩერეთ სითბოში. ცომი უნდა გაორმაგდეს.
- აფუებული ცომი ამოაგუნდავეთ ფქვილმოყრილ ზედაპირზე. საცხობ ფორმას წაუსვით ცხიმი და ცომი თანაბრად გაანაწილეთ. ფორმებს გადააფარეთ ტილო და ცოტა ხანს კიდევ დაასვენეთ.
- ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 45-50 წუთი (დრო დამოკიდებულია თქვენს ღუმელზე). როდესაც ქერქი ოქროსფრად დაიბრაწება პურიც მზად არის.
პურის რაოდენობა დამოკიდებულია თქვენი საცხობი ფორმების ზომაზე. გემრიელად მიირთვით!
