შემოგთავაზებთ რბილი, ფუმფულა, ნაზი და ძალიან გემრიელი კექსის რეცეპტს. დესერტს განსაკუთრებულ არომატს ჰმატებს შესქელებული რძე.
კექსის მოსამზადებლად დაგჭირდებათ შემდეგი ინგრედიენტები:
- ფქვილი 250 გრ
- კარაქი 100 გრ
- შესქელებული რძე 1 ქილა
- კვერცხი 4 ცალი
- მარილი მწიკვი
- გამაფხვიერებელი 1,5 ჩ. კ.
- ქიშმიში (თქვენი სურვილის მიხედვით) 150 გრ
მომზადების წესი:
- ღრმა თასში მოათავსეთ ოთახის ტემპერატურის კარაქი,
- დაამატეთ მწიკვი მარილი და მიქსერით კარგად ათქვიფეთ გათეთრებამდე.
- სათითაოდ დაამატეთ კვერცხები ისე, რომ თქვეფა არ შეწყვიტოთ.
- შემდეგ შეურიეთ შესქელებული რძე.
- გაცრილი ფქვილს დაამატეთ გამაფხვიერებელი და აურიეთ.
- მომზადებულ მასას ნაწილ-ნაწილ შეაზილეთ ფქვილი. მიიღებთ თხელ ცომს.
- ქიშმიშს დაასხით ცხელი წყალი და ცოტა ხნით გააჩერეთ. შემდეგ გადაწურეთ, დააყარეთ ცოტა სახამებელი, აურიეთ და დაამატეთ მომზადებულ ცომს.
- საცხობ ფორმას წაუსვით ზეთი და ცომი თანაბრად გაანაწილეთ.
- ღუმელი გააცხელეთ 180 გრადუს ტემპერატურაზე. მოსამზადებლად დასჭირდება 40-45 წუთი.
- კექსი ფორმიდან გაგრილების შემდეგ ამოიღეთ.
უგემრიელესი დესერტი დაფარეთ შაქრის ფხვნილით ან გამდნარი შოკოლადი. გემრიელად მიირთვით და ისიამოვნეთ!
