უგემრიელესი და არომატული ბლინები ყველას უყვარს. საოცარი სურნელი დიდსა თუ პატარას სამზარეულოსკენ იზიდავს და ბლინები დაუყონებლივ ქრება თეფშიდან.
თუ გსურთ, კიდევ უფრო მეტად აღაფრთოვანოთ თქვენი პატარები, მოამზადეთ შავ-თეთრი, რძისა და კაკაოს არომატით გაჯერებული, ბლინები.
საოცარი დესერტის მოსამზადებლად დაგჭირდებათ შემდეგი ინგრედიენტები:
- შაქარი 2 ს. კ.
- რძე 3 ჩ. ჭ.
- ფქვილი 300 გრ
- კაკაო 2 ს. კ.
- კვერცხი 3 ცალი
- ზეთი 2-3 ს. კ.
- მარილი მწიკვი
მომზადების წესი:
- კვერცხი ათქვიფეთ მარილთან და შაქართან ერთად. უმჯობესია ცომი დააბლენდეროთ.
- დაამატეთ ფინჯანი რძე და ათქვიფეთ. ნელ-ნელა დაამატეთ ფქვილი, დაასხით დარჩენილი რძე, ზეთი და დააბლენდერეთ. უნდა მიიღოთ თხელი და ნაზი ცომი.
- მზა ცომი გაყავით 2 ნაწილად. ერთი ნაწილი დატოვეთ თეთრი, ხოლო მეორეს დაამატეთ კაკაო და დააბლენდერეთ ერთგვაროვანი მასის მიღებამდე.
- ცხელ ტაფაზე დაასხით ცოტა ზეთი.
- ჯერ დაასხით ცოტა თეთრი ცომი, შემდეგ კაკაოს ცომი და დადგით საშუალო ცეცხლზე. ცოტა ხნის შემდეგ ჩაის კოვზით ალაგ-ალაგ მოასხით ხან თეთრი ცომი, ხან შავი.
- ბლინი გადააბრუნეთ მეორე გვერდზე და შეწვით.
- შავ-თეთრი ბლინები დააწყვეთ ლანგარზე და თავი მოიწონეთ თქვენი კულინარიული ოსტატობით.
მოამზადეთ რძისა და კაკაოს არომატით გაჯერებული შავ-თეთრი ბლინები და გემრიელად მიირთვით!
