ტვიქსი ყველასთვის საყვარელი საოცრად გემრიელი ნუგბარია. შემოგთავაზებთ რეცეპტს, რომლის მიხედვითაც შეძლებთ ამ გემრიელობის მომზადებას.
ფხვიერი ცომის მოსამზადებლად დაგჭირდებათ შემდეგი ინგრედიენტები:
- 110 გრ კარაქი
- 125 გრ ფქვილი
- 70 გრ შაქარი
- მწიკვი მარილი
კარამელის მოსამზადებლად დაგჭირდებათ შემდეგი ინგრედიენტები:
- 1 ქილა შესქელებული რძე
- 1 ს. კ. კარაქი
- შოკოლადის ფენისთვის დაგჭირდებათ
- 170 გრ რძიანი შოკოლადი
მომზადების წესი:
- ცივი კარაქი ფქვილთან ერთად დააბლენდერეთ. თუ დაბლენდერება გაგიჭირდათ, ჯერ კარაქი მსხვილ სახეხზე გახეხეთ და თანდათან შეურიეთ ფქვილი. შემდეგ დაამატეთ შაქარი, მარილი და დააბლენდერეთ.
- დაგჭირდებათ კვადრატის ფორმის ფორმა (20/20 სმ), შეგიძლიათ თქვენთვის ხელმისაწვდომი ნებისმიერი ფორმა გამოიყენოთ, მაგრამ დიამეტრი გაითვალისწინეთ.
- ფორმის ძირზე დააფინეთ პერგამენტის ქაღალდი, გვერდებზე წაუსვით ცხიმი და მზა ცომი თანაბრად გაანაწილეთ. ღუმელი გააცხელეთ 200 გრადუს ტემპერატურაზე. გამოსაცხობად დასჭირდება 15-20 წუთი. გამომცხვარი ფენა ფორმიდან არ ამოიღოთ.
- ამზადებთ კარამელის ფენას. სქელძირიან ტაფაზე დაიტანეთ კარაქი და შესქელებული რძე. ტაფა დადგით საშუალო ცეცხლზე და აადუღეთ, თან განუწყვეტლივ ურევთ. ადუღეთ 15 წუთი.
- კარამელი დასხით გაგრილებულ ფხვიერ ცომს, თანაბრად გაანაწილეთ და გააგრილეთ.
- შოკოლადის ფილა დატეხეთ და გაადნეთ ორთქლის აბაზანაზე. შოკოლადი დაასხით კარამელის ფენას და თანბრად გაანაწილეთ. როდესაც შოკოლადის ფენა გაგრილდება, ფორმა რამდენიმე საათით შედეთ მაცივარში.
- დესერტი ამოიღეთ ფორმიდან და დაჭერით. თუ გსურთ დესერტი კიდევ უფრო მეტად გააგემრიელოთ, ცხელ კარამელს დაამატეთ დაჭრილი, მოხალული თხილი.
მოამზადეთ საოცრად გემრიელი ნუგბარი ,,ტვიქსი“ და დამერწმუნეთ, ყველას აღაფრთოვანებთ.
