შემოგთავაზებთ რეცეპტს, რომლის მიხედვითაც შეძლებთ უგემრიელესი კერძის მომზადებას. ყურადღებით ჩაიკითხეთ რეცეპტი, მოამზადეთ შემოთავაზებული გემრიელობა და დაამშვენეთ თქვენი სადღესასწაულო სუფრა.
კერძის მოსამზადებლად დაგჭირდებათ შემდეგი ინგრედიენტები:
- 500 გრ ფარში
- 1 თავი ხახვი (დიდი)
- 70 გრ საფანელი
- 1 ცალი კვერცხი
- მარილი, შავი პილპილი, პაპრიკა გემოვნებით
- 70 მლ წყალი
- 40 მლ ზეთი
- ფარშის კალათების შესავსებად დაგჭირდებათ გახეხილი სულგუნი ან ყველი
- პამიდორი ,,ჩერი“
შიგთავსის მოსამზადებლად დაგჭირდებათ შემდეგი ინგრედიენტები:
- 4 ცალი კვერცხი
- 100 მლ რძე
- მწიკვი მარილი
- ცოტა მწვანილი (მწვანე ხახვი ან ნებისმიერი თქვენთვის სასურველი)
მომზადების წესი:
- ფარშს დაამატეთ გატარებული ხახვი, საფანელი, კვერცხი და აურიეთ. შეაზავეთ სანელებლებით, მარილით. დაასხით ზეთი, წყალი და კარგად აურიეთ.
- მიღებული მასა გაყავით თანაბარ ნაწილებად. დაგჭირდებათ ცეცხლგამძლე პატარა ფიალები (შეგიძლიათ დურალექსის ფიალები გამოიყენოთ), წაუსვით ძირზე და გვერდებზე კარაქი. მზა ფიალებში ჩადეთ ფარში და კალათივით ჩააღრმავეთ, კიდეები ლამაზად გაასწორეთ.
- ამზადებთ შიგთავსს. კვერცხს დაასხით რძე, დაამატეთ მარილი, მაწვანილი და კარგად ათქვიფეთ. ფარშის კალათებში ჩადეთ ცოტა გახეხილი ყველი, შუაზე გაჭრილი პამიდორი და დაასხით რძიანი მასა (პირამდე არ აავსოთ).
- ფიალები დააწყვეთ საცხობ ფორმაზე და შედეთ ცივ ღუმელში. ამზადებთ 30-35 წუთის განმავლობაში 180 გრადუს ტემპერატურაზე.
- როგორ წარადგენთ კერძს ეს უკვე თქვენს სურვილზეა დამოკიდებული. შეგიძლიათ გამოიყენოთ სალათის ფურცლები, პამიდორი, 2 ჩ. კ. ზეითუნის ზეთის, ცოტა ლიმონის წვენის, მწიკვი მარილისა და 1 ჩ. კ. სოიოს სოუსის ნარევი.
- სალათის ფურცლები ხელით დააქუცმაცეთ. პამიდორი დაჭერით საშუალო ზომის ნაჭრებად, მოასხით მომზადებული სოუსი და გარნირიც მზად არის. გასაფორმებლად გამოიყენეთ ზეთის ხილიც.
დამერწმუნეთ, კერძი ძალიან გემრიელია. გემრიელად მიირთვით!
