შემოგთავაზებთ საოცრად გემრიელი და განსხვავებული კერძის რეცეპტს. მცირე ძალისხევა და ფარშით უგემრიელსი კერძის მომზადებას შეძლებთ.
ფარშის მოსამზადებლად დაგჭირდებათ შემდეგი ინგრედიენტები:
- გატარებული ხორცი (თქვენთვის სასურველი) 600 გრ
- მარილი, პილპილი და სხვა სანელებლები (გემოვნების მიხედვით)
- კვერცხი 1 ცალი
- შიგთავსის მოსამზადებლად დაგჭირდებათ
- ხმელი ყველი 200 გრ
- მაიონეზი 50 გრ
- ნიორი 1-2 კბილი
- მწვანე ხახვი 1 კონა
- პამიდორი 1-2 ცალი
თხევადი ცომის (სკლიარი) მოსამზადებლად დაგჭირდებათ შემდეგი ინგრედიენტები:
- ფქვილი 50-70 გრ
- რძე 200 მლ
- კვერცხი 3 ცალი
- მარილი მწიკვი
მომზადების წესი:
- გატარებული ხორცი შეაზავეთ მარილით, პილპილითა და სანელებლებით, დაამატეთ 1 ცალი კვერცხი და კარგად აურიეთ.
- ფოლგაზე წაუსვით ზეთი. დაიტანეთ შეზავებული ფარში და თანაბრად გაანაწილეთ. მიეცით ოთხკუთხედის ფორმა.
- ამაზდებთ შიგთავსს. გახეხილ ყველს დაამატეთ დაქუცმაცებული ნიორი, მაიონეზი და აურიეთ. მიღებული მასა თანაბრად გაანაწილეთ ფარშზე. შემდეგ მოაწყვეთ კუბიკებად დაჭრილი პამიდორი და მოაყარეთ წვრილად დაჭრილი მწვანე ხახვი.
- ფრთხილად გადაახვიეთ რულეტივით და რამდენიმე საათით შედეთ მაცივარში ან 30 წუთით შედეთ საყინულეში.
- შემდეგ ამოსავლებად ამზადებთ თხევად ცომს. ათქვიფეთ 3 კვერცხი, დაამატეთ რძე და ფქვილი.
- ფარშის რულეტი გამოიღეთ მაცივრიდან და დაჭერით საშუალო სისქის ნაჭრებად. თითოეული ნაჭერი ამოავლეთ მომზადებულ თხევად ცომში და შეწვით ორივე მხრიდან.
მოამზადეთ სოცრად გემრიელი და განსხვავებული კერძი, გემრიელად მიირთვით და ისიამოვნეთ!
