შემოგთავაზებთ ხაჭოს ცომის ბაზაზე მომზადებული უგემრიელესი დონატების რეცეპტს, რომელიც უმარტივესი მოსამზადებელია. ოქროსფრად დაბრაწული ბურთულები განსაკუთრებით პატარების ყურადღებას იპყრობს.
დონატების მოსამზადებლად დაგჭირდებათ შემდეგი ინგრედიენტები:
- 250 გრ ფქვილი
- 300 გრ ხაჭო
- 5 ს. კ. შაქარი
- 2 ცალი კვერცხი
- ნახევარი ჩ. კ. მარილი
- ნახევარი ჩ. კ. სოდა
- 1 ჩ. კ. ძმარი (9%-იანი)
- ვანილი
- შაქრის ფხვნილი
- ზეთი 250-300 მლ
მომზადების წესი:
- კვერცხი შაქართან ერთად ათქვიფეთ, დაამატეთ ხაჭო და დააბლენდერეთ. შემდეგ დაამატეთ მარილი, ვანილი, სოდა ძმრით, ნელ-ნელა შეაზილეთ ფქვილი.
- მზა ცომი გადმოიტანეთ ფქვილმოყრილ მაგიდაზე და გამოხელეთ ნიგვზის ზომის ბურთულები.
- ქვაბი დადგით დაბალ ცეცხლზე, ჩაასხით 300 მლ ზეთი. ზეთი კარგად გააცხელეთ და ფუნჩულები შეწვით.
- მზა ფუნჩულები ხელსახოცზე დააწყვეთ.
ოქროსფრად დაბრაწულ ფუნჩულებს შეგიძლიათ მოაფრქვიოთ შაქრის ფხვნილი. გემრიელად მიირთვით!
