შემოგთავაზებთ რამდენიმე მარტივ მეთოდსა და რჩევას, რომელთა გათვალისწინებით შეძლებთ ფრჩხილების ირგვლივ კანის, კუტიკულების (ნუნების), პრობლემების აღმოფხვრას.
ექსპერტები გვირჩევენ, რომ კუტიკულების ამოჭრა არ არის მიზანშეწონილი, რადგან ამ გზით გაზრდით ჭრილობაში ინფექციების მოხვედრის რისკს და პრობლემებსაც ვერ მოიგვარებთ.
ფრჩხილის ირგვლივ კანის გაუხეშებას იწვევს ვიტამინებისა და მინერალების ნაკლებობა და არასათანდო მოვლა.
- გამომშრალი კუტიკულების დასარბილებლად კანზე შეიზილეთ თბილი ზეთი და გაიკეთეთ მსუბუქი მასაჟი. პროცედურის ბოლოს ზეთის ნარჩენები ბამბის ფირფიტით შეიშრეთ.
- თუ ფრჩხილების ირგვლივ კანი გაუხეშებულია, მოამზადეთ რამდენიმე წვეთი ჟოჟობას ზეთისა და ლავანდის ეთერზეთის ნარევი და ნაზად შეიზილეთ კუტიკულებზე. ამ გზით შეძლებთ ნუნების დარბილებას, მიანიჭებთ მათ მოქნილობასა და ელასტიურობას.
- ფჩხილის სოკო საკმაოდ გავრეცელებული პრობლემაა და ახასიათებს ფრჩხილების ირგვლივ კანის სიწითლე, გაღიზიანება და ქავილი. რეგულარულად დაიმუშავეთ ფრჩხილები და ხელები წყალბადის ზეჟანგის 3%-იანი ხსნარით.
- სათანადოდ იზრუნეთ ხელებსა და ფრჩხილებზე. შეეცადეთ, დღეში რამდენჯერმე წაისვათ ხელის დამატენიანებელი ან მკვებავი მალამო.
- დაამატეთ თქვენი კვების რაციონს ომეგა-3 ცხიმოვანი მჟავებით, ცილებით, კალციუმითა და თუთიით მდიდარი საკვები პროდუქტები.
გაითვალისწინეთ მარტივი რჩევები და ნუნები ყოველთვის იდეალურ მდგომარეობაში გექნებათ!
