კარტოფილის ბაზაზე მრავალი გემრიელი კერძის მომზადება არის შესაძლებელი. ამჯერად, შემოგთავაზებთ ღუმელში გამომცხვარი ნივრიანი კარტოფილის რეცეპტს.
მოსამზადებლად უმარტივესი კერძის გემო უბრალოდ აუწერელია. შესანიშნავი იდეაა სადილისთვის და დაამშვენებს სადღესასწაულო სუფრასაც.
ნივრიანი კერძის მოსამზადებლად დაგჭირდებათ შემდეგი ინგრედიენტები:
- კარტოფილი 7 ცალი (შეგიძლიათ გამოიყენოთ ახალი კარტოფილიც)
- კარაქი 125 გრ
- გახეხილი ხმელი ყველი 7 ს. კ.
- არაჟანი 2 ს. კ.
- ნიორი 4-5 კბილი
- წვრილად დაჭრილი ოხრახუში ან კამა
მომზადების წესი:
- კარტოფილი არ გათალოთ, კარგად გარეცხეთ და მოხარშეთ.
- კარაქს დაამატეთ არაჟანი, დაჭყლეტილი ნიორი, გახეხილი ყველი, წვრილად დაჭრილი მწვანილი და აურიეთ.
- მოხარშული კარტოფილი დაჭერით სიგრძეზე, გაყავით ოთხ ნაწილად. დააწყვეთ ცხიმწასმულ საცხობ ფორმაზე, თითოეულ ნაწილს მოასხით ნივრიანი სოუსი.
- ღუმელი გააცხელეთ 250 გრადუს ტემპერატურაზე. მოსამზადებლად დასჭირდება 10 წუთი.
ოქროსფრად დაბრაწული ნივრიანი კარტოფილი უგემრიელესია. მიირთვით და ისიამოვნეთ!
