ხაჭოს ნაზი შიგთავსი და შოკოლადის ცომი განუმეორებელ გემოს ქმნის. ნამცხვარი “ჟირაფი” ჩემთვის კულინარიული აღმოჩენაა

0
539

შემოგთავაზებთ უნაზესი და ფხვიერი, შოკოლადის ცომითა და ხაჭოს არომატული შიგთავსით მომზადებული დესერტის,  ,,ჟირაფის“, რეცეპტს. უგემრიელესი დესერტი გამორჩეულია ორიგინალური ვიზუალითაც.

მოსამზადებლად დაგჭირდებათ შემდეგი ინგრედიენტები:

  • შაქარი 350 გრ
  • არაჟანი 300 გრ
  • უცხიმო ხაჭო 200 გრ
  • კარაქი 200 გრ
  • კვერცხი 3 ცალი
  • ფქვილი 2,5 ჩ. ჭ.
  • ვანილის შაქარი
  • კაკაო 2 ს. კ.
  • სახამებელი 2 ს. კ.
  • სოდა 1 ჩ. კ.

მომზადების წესები:

  1. დარბილებული კარაქი და მოცემული შაქრის ნახევარი აურიეთ, შეათქვიფეთ 1 ცალი კვერცხი, დაამატეთ გაცრილი ფქვილი, სოდა, კაკაო და მოზილეთ ცომი.
  2. მზა ცომს შემოახვიეთ საკვების ცელოფანი და 20 წუთით შედეთ მაცივარში.
  3. არაჟანს დაამატეთ ხაჭო, დარჩენილი შაქარი, ვანილის შაქარი, 2 ცალი კვერცხი, სახამებელი და კარგად ათქვიფეთ.
  4. ცომი გამოიღეთ მაცივრიდან და გაყავით 2 არათანაბარ ნაწილად. საცხობ ფორმაში ცომის დიდი ნაწილი თანაბრად გაანაწილეთ. ცომი ამოიტანეთ ფორმის კედლებზეც და ჩაასხით ხაჭოს შიგთავსი.
  5. დარჩენილი შოკოლადის ცომისგან გამოხელეთ პატარა გუნდები და ხაჭოიან მასაში ალაგ-ალაგ ჩააწყვეთ.
  6. ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 50-60 წუთი.

დესერტი ფორმიდან გაგრილების შემდეგ ამოიღეთ. გემრიელად მიირთვით და ისიამოვნეთ!