შემოგთავაზებთ თაფლის არომატით გაჯერებული, ნაზი, ჰაეროვანი და უგემრიელესი ნამცხვრის, ,,მედოკის“, რეცეპტს.
ძნელად თუ მოიძებნება ადამიანი, ვისაც ეს გემრიელობა არ უყვარს.
ცომის მოსამზადებლად დაგჭირდებათ შემდეგი ინგრედიენტები:
- კვერცხი 2 ცალი
- შაქარი 1 ჩ. ჭ.
- კარაქი 50 გრ
- თაფლი 2 ს. კ.
- სოდა 2 ჩ. კ.
- ფქვილი 3 ს. კ.
კრემის მოსამზადებლად დაგჭირდებათ შემდეგი ინგრედიენტები:
- კვერცხი 2 ცალი
- შაქარი 2 ჩ. ჭ.
- ფქვილი 4 ს. კ.
- კარაქი 300 გრ
- რძე 0,5 ლ
- ვანილი
- ნიგოზი (თქვენთვის სასურველი რაოდენობის)
მომზადების წესი:
- ემალის თასში ათქვიფეთ კვერცხი, შაქარი და თაფლი. დაამატეთ კარაქი და თასი დადგით ორთქლის აბაზანაზე, სანამ კარაქი არ გადნება.
- შემდეგ დაამატეთ სოდა და დაელოდეთ აქაფებას.nაქაფებულ მასას თანდათან შეაზილეთ ფქვილი.nცომი უნდა იყოს ელასტიური და ოდნავ წებოვანი.
- მზა ცომი გაყავით 8 თანაბარ ნაწილად. თითოეული ფენა გააბრტყელეთ თანაბარი დიამეტრის თხელ ფენად. შეგიძლიათ ემალის ქვაბის თავსახურით გამოჭრათ. ამ მეთოდით შეძლებთ ერთნაირი ფენების მიღებას. ჩამონაჭრელებიც გამოაცხვეთ და დაფშხვენით.
- ღუმელი გააცხელეთ 180 გრადუს ტემპერატურაზე. თითოეულ ფირფიტას გამოსაცხობად დასჭირდება 15 წუთი.
- ამზადებთ კრემს: კვერცხი, შაქარი და ფქვილი აურიეთ, ნელ-ნელა დაამატეთ ცხელი რძე და კარაქი. თასი დადგით ორთქლის აბაზანაზე და კრემი ადუღეთ გასქელებამდე. ურევთ განუწყვეტლივ. ცხელს კრემს დაამატეთ ვანილი.
- გაგრილებული კრემი მიქსერით კარგად ათქვიფეთ და თანაბრად გაანაწილეთ ყველა ფენაზე. კრემი წაუსვით გვერდებზეც და დაფარეთ ნაფშხვენებით. შემდეგ მოაყარეთ წვრილად დაჭრილი ნიგოზი ან გახეხილი შოკოლადი.
გემრიელად მიირთვით და ისიამოვნეთ!
