შემოგთავაზებთ ბადრიჯნით მომზადებული უგემრიელესი კერძის რეცეპტს, რომელსაც აქტიურად ამზადებდნენ ჩვენი ბებიები და გულმოდგინედ ემზადებოდნენ მკაცრი ზამთრისთვის. მახსოვს, ბებიაჩემი ხშირად ამზადებდა ბადრიჯანს მოცემული რეცეპტის მიხედვით და ყოველ ჯერზე 1-2 ქილას გადადებდა ხოლმე და ასე მარტივად, ზედმეტი ძალისხმევის გარეშე იჭერდა თადარიგს.
კერძი ისეთი გემრიელია, ისეთი, რომ ენას ჩაიკვნეტთ. ამავე დროს, უმარტივესი მოსამზადებელია.
საჭირო ინგრედიენტები:
- ბადრიჯანი 2 კგ
- ტომატი 800 გრ
- ნიორი 150 გრ
- მზესუმზირის ზეთი 1 ჩ. ჭ.
- შაქარი 1 ჩ. ჭ.
- ძმარი 9%-იანი 2 ს. კ.
- მარილი 2 ს. კ.
- ბულგარული წიწაკა 12 ცალი
- ოხრახუში გემოვნების მიხედვით
მომზადების წესი:
- მოსამზადებლად დაგჭირდებათ სქელძირიანი ქვაბი (ძალიან კარგია თუჯის ქვაბი).
- პირველ რიგში, ტომატის პასტისგან ამზადებთ ტომატის წვენს. 800 გრ ტომატს დაასხით იმ რაოდენობის წყალი, რომ მიიღოთ 3 ლ წვენი.
- მიღებულ წვენს დაამატეთ ზეთი, შაქარი, მარალი და ძმარი.
- ბადრიჯანი არ გათალოთ, დაჭერით მრგვალ საშუალო სისქის ნაჭრებად .
- ბულგარული წიწაკა (შეგიძლიათ გამოიყენოთ მწვანეც და წითელიც) დაჭერით საშუალო სისქის ზოლებად.
- ნიორი დაჭერით წვრილად.
- მზა ინგრედიენტები დაამატეთ ტომატის წვენს, ნაზად აურიეთ და თუშეთ დაბალ ცეცხლზე. ადუღეთ 30 წუთი. ეცადეთ მოურიოთ ნაზად და მხოლოდ 2-3 ჯერ. ადუღებიდან, დაახლოებით, 25 წუთის შემდეგ დაამატეთ წვრილად დაჭრილი ოხრახუში.
მზა კერძი გადაიტანეთ გასტერილებულ ქილებში, დაახურეთ გასტერილებული ხუფები და დახუფეთ. გემრიელად მიირთვით!
