შემოგთავაზებთ ფუმფულა, მსუბუქი, ჰაეროვანი, ნოტიო, ნასვრეტებიანი და უნაზესი ბისკვიტის, ,,შიფონის“ ბისკვიტის, რეცეპტს. ეს საოცრება შეგიძლიათ მიირთვათ კრემის გარეშე ან გამოიყენოთ ტორტის მოსამზადებლად.
საჭირო ინგრედიენტები:
- ფქვილი 1 ჩ. ჭ.
- კვერცხი (მთლიანი) 5 ცალი
- 1 ცალი კვერცხის ცილა
- შაქარი 1 ჩ. ჭ.
- გამაფხვიერებელი 2,5 ჩ. კ.
- მარილი მწიკვი
- წყალი 140 მლ
- ლიმონმჟავა მეოთხედი ჩ. კ.
- ზეითუნის ზეთი 90 მლ
მომზადების წესი:
- კვერცხის ცილა და გული გამოყავით ერთმანეთისგან.
- აურიეთ გაცრილი ფქვილი, გამაფხვიერებელი, მარილი, 150 გრ შაქარი.
- ფქვილიანი მასა ამოაღრმავეთ, ჩაასხით წყალი, კვერცხის გული, ზეითუნის ზეთი და ურევთ კოვზით. შემდეგ თქვეფთ მიქსერით.
- ცალკე თასში ათქვიფეთ 5+1 კვერცხის ცილა.
- დაამატეთ ლიმონმჟავა, 50 გრ შაქარი და თქვეფთ მყარი მასის მიღებამდე.
- ათქვეფილი ცილა თანდათან შეურიეთ მომზადებულ ცომს. ურევთ ნაზად სილიკონის ან ხის კოვზით.
- ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 45 წუთი.
- ბისკვიტი ფორმიდან ამოიღეთ გაგრილების შემდეგ.
ბისკვიტს ნოტიოს და ფუმფულას შეინარჩუნებთ 7-8 დღე თუ შეფუთავთ პერგამენტის ქაღალდში. გემრიელად მიირთვით!
