შემოგთავაზებთ ტკბილი ბულგარული წიწაკითა და პამიდვრის სოუსით მომზადებული ძალიან გემრიელი და არომატული სალათის რეცეპტს.
მოსამზადებლად დაგჭირდებათ შემდეგი ინგრედიენტები:
- ბულგარული წიწაკა (წითელი, მწვანე) 4 კგ
- პამიდორი 1,5 კგ
- მზესუმზირის ზეთი 200 მლ
- ძმარი 9%-იანი 100 მლ
- შაქარი 100 გრ
- მარილი გემოვნებით
მომზადების წესი:
- ბულგარული წიწაკა გარეცხეთ, თესლისგან გაასუფთავეთ, კიდევ გარეცხეთ და დაჭერით დიდ ნაჭრებად.
- პამიდორი გარეცხეთ, დაასხით ცხელი წყალი და ცოტა ხანს გააჩერეთ. შემდეგ გაფცქვენით, დაჭერით და დააბლენდერეთ.
- პამიდორი ჩაასხით ქვაბში, დაამატეთ მარილი, შაქარი, ზეთი. ქვაბი დადგით საშუალო ცეცხლზე და აადუღეთ. დაბალ ცეცხლზე ადუღეთ 10 წუთი.
- დაამატეთ წიწაკა, ძმარი და აადუღეთ. ადუღეთ 20-30 წუთი და გაანაწილეთ გასტერილებულ ქილებში, დაახურეთ გასტერილებული ხუფები. ქილები დააწყვეთ თავდაყირა და შეფუთეთ გაგრილებამდე.
გემრიელად მიირთვით!
