შემოგთავაზებთ რამდენიმე რეცეპტს, რომლის საშუალებით შეძლებთ ჭურჭლის სარეცხი მანქანის კაფსულების შინ მომზადებას.
კაფსულების მოსამზადებლად დაგჭირდებათ საბავშვო სარეცხის ფხვნილი. აუცილებლად უნდა იყოს ხარისხიანი, ფოსფატებისა და სხვა მავნე მინარევების გარეშე.
მომზადების წესი:
- აურიეთ 7 წილი საბავშვო ფხვნილი და 3 წილი კალცინირებული სოდა, დაამატეთ იმ რაოდენობის წყალი, რომ მიიღოთ სქელი ფაფისებური მასა.
- მომზადებული მასა გაანაწილეთ ყინული კუბიკების ფორმაში.
- ცოტა ხნის შემდეგ ამოიღეთ და მზა კაფსულები შეინახეთ მინის ქილაში.
- ჭურჭელი უნდა გარეცხოთ 40-50 გრადუსის ტემპერატურაზე.
- კალცინირებული სოდა ორ ფუნქციას ასრულებს: წმენდს და არბილებს წყალს.
გლიცერინის კაფსულები
160 გრ საბავშვო სარეცხის ფხვნილს დაამატეთ 40 გრ კალცინირებული სოდა, 5 მლ გლიცერინი და აურიეთ. მზა მასა გაანაწილეთ ყინულის კუბიკებში. ცოტა ხნის შემდეგ ამოიღეთ და კაფსულები ჩაყარეთ მინის ქილაში.
ბორაქსითა და ლიმონმჟავით მომზადებული კაფსულები
საჭირო ინგრედიენტები:
- კალცინირებული სოდა 75 გრ
- ბორაქსი 100 გრ
- მაგნეზია 250 გრ
- ლიმონმჟავა 20 გრ
მომზადების წესი:
ლიმონმჟავას გახსენით ცოტა წყალში და ფრთხილად შეურიეთ დანარჩენი ინგრედიენტები. მორევის პროცესში დაიწყება რეაქცია. აუცილებლად გაიკეთეთ ხელთათმანები. როდესაც მასა დასტაბილურდება, გაანაწილეთ ყინულის კუბიკების ფორმაში.
