შემოგთავაზებთ კარტოფილისა და ყველის კომბინაციით მომზადებული საოცრად გემრიელი კერძის რეცეპტს.
უმარტივესი და ყველასთვის ხელმისაწვდომი ინგრედიენტებით შეგიძლიათ მარტივად და სახელდახელოდ მოამზადოთ ოქროსფრად დაბრაწული, მადისაღმძვრელი კერძი.
მოსამზადებლად დაგჭირდებათ შემდეგი ინგრედიენტები:
- კარტოფილი 10 ცალი
- კეფირი ნახევარი ჩ. ჭ.
- ხახვი 1 თავი
- ნიორი 3 კბილი
- ყველი 150 გრ
- მარილი, შავი პილპილი, კამა გემოვნებით
მომზადების წესი:
- კარტოფილი გათალეთ, დაჭერით მრგვალ თხელ ნაჭრებად და გაანაწილეთ საცხობ ფორმაზე.
- ხახვი დაჭერით ალყა-ალყა, დაასხით 2-3 ს. კ. ზეითუნის ზეთი და გააჩერეთ 3-5 წუთი.
- შემდეგ ხახვი გაანაწილეთ კარტოფილზე.
- კეფირი შეაზავეთ დაჭყლეტილი ნივრით, წვრილად დაჭრილი კამით, მარილით, შავი პილპილით და მომზადებული სოუსი მოასხით კარტოფილს.
- ღუმელი გააცხელეთ 180 გრადუს ტემპერატურაზე და კარტოფილი 30 წუთით შედეთ ღუმელში.
- შემდეგ ფორმა გამოიღეთ, კარტოფილს მოაყარეთ გახეხილი ყველი და 15 წუთით კვლავ შედეთ ღუმელში.
სუფრაზე მიტანის წინ მოაყარეთ წვრილად დაჭრილი ოხრახუში და გემრიელად მიირთვით!
