შემოგთავაზებთ ხორცის უგემრიელესი ღვეზელის რეცეპტს.
ხორცის, კარტოფილის, ყველის წვნიანი შიგთავსითა და ნაზი ცომის კომბინაციით მომზადებული გვირგვინის ფორმის ნოყიერი, არომატული ღვეზელი უბრალოდ ზღაპარია, რომელიც დაამშვენებს სადღესასწაულო სუფრას.
ცომის მოსამზადებლად დაგჭირდებათ შემდეგი ინგრედიენტები:
- წყალი 4 ს. კ.
- საფუარი 10 გრ
- კეფირი 200 მლ
- ზეთი 100 მლ
- შაქარი 1 ს. კ.
- მარილი 1 ჩ. კ.
- ფქვილი 360-400 გრ
შიგთავსის მოსამზადებლად დაგჭირდებათ შემდეგი ინგრედიენტები:
- გატარებული ხორცი 400 გრ
- კარტოფილი 2 ცალი (დაახლოებით, 300 გრ)
- ხახვი 1 თავი
- მარილი 1 ჩ. კ.
- შავი პილპილი გემოვნებით
- გახეხილი ყველი 100 გრ
მომზადების წესი:
- თასში ჩაასხით 4 ს. კ. თბილი წყალი, დაამატეთ საფუარი, შაქარი და აურიეთ. გააჩერეთ 15 წუთი.
- კეფირს დაამატეთ ზეთი და შეათბეთ.
- შემდეგ დაამატეთ მარილი შაქარი, მომზადებული საფუარი და ნაწილ-ნაწილ შეაზილეთ გაცრილი ფქვილი. მზა ცომს გადააფარეთ ტილო და გააჩერეთ 40-50 წუთი.
- ამზადებთ შიგთავსს: ხახვი წვრილად დაჭერით.
- უმი კარტოფილი დაჭერით პატარა კუბიკებად.
- გატარებულ ხორცს დაამატეთ კარტოფილი, ხახვი, მარილი, წიწაკა და აურიეთ.
- საცხობი ფორმაზე დააფინეთ პერგამენტის ქაღალდი.
- ცომი გადმოიტანეთ ფქვილმოყრილ ზედაპირზე და გაყავით ორ თანაბარ ნაწილად.
- ჯერ ერთი ნაწილი გააბრტყელეთ მრგვალად და გადაიტანეთ საცხობ ფორმაზე. წრის ცენტრში გააკეთეთ ერთმანეთის სიმეტრიული 8 ჭრილი.
- წრეზე გაანაწილეთ მზა შიგთავსი. ცომის კიდეები და შუა ნაწილი, ჩაჭრილამდე, დატოვეთ ცარიელი.
- შიგთავსს ზემოდან მოაყარეთ გახეხილი ყველი. შემდეგ თითოეული ჭრილი აიღეთ წვერით, გადმოაფარეთ შიგთავსს და წვერით შეაერთეთ კიდესთან. მიიღებთ გვირგვინის ფორმის ღვეზელს.
- დარჩენილი ცომით მოამზადეთ კიდევ ერთი ღვეზელი და ზემოდან გადაუსვით ათქვეფილი კვერცხი.
- ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 30-40 წუთი. ღვეზელი როდესაც დაიბრაწება, გადააფარეთ ფოლგა და კიდევ ცოტა ხანს გააჩერეთ ღუმელში.
- მზა ღვეზელი გადმოიტანეთ ლანგარზე და სუფრაზე წარადგინეთ არაჟნის ნივრიანი სოუსით.
ნაზი, რბილი ცომითა და წვნიანი შიგთავსით მომზადებული არომატული ღვეზელი ნამდვილი დელიკატესია.
გემრიელად მიირთვით!
