შემოგთავაზებთ მოსამზადებლად უმარტივესი, უგემრიელესი და საოცრად არომატული ვენური ღვეზელის რეცეპტს. დესერტს განუმეორებელ არომატს მატებს ალუბალი (შეგიძლიათ გამოიყენოთ გაყინულიც). ალუბალი შეგიძლიათ ჩაანაცვლოთ თქვენთვის სასურველი ხილით.
მოსამზადებლად დაგჭირდებათ შემდეგი ინგრედიენტები:
- ფქვილი 200 გრ
- შაქარი 140 გრ
- კარაქი 180 გრ
- კვერცხი 4 ცალი
- გამაფხვიერებელი 10 გრ
- მწიკვი მარილი
- მწიკვი ვანილი
- ალუბალი 400 გრ
- შაქრის ფხვნილი
მომზადების წესი:
- დარბილებულ კარაქს დაამატეთ შაქარი და ათქვიფეთ.
- სათითაოდ შეათქვიფეთ კვერცხები.
- შემდეგ ნაწილ-ნაწილ შეათქვიფეთ ფქვილი, მწიკვი მარილი, ვანილი და გამაფხვიერებელი.
- საცხობ ფორმას წაუსვით კარაქი და მომზადებული ცომი თანაბრად გაანაწილეთ. ცომზე მოაწყვეთ ალუბალი.
- ღუმელი გააცხელეთ 170 გრადუს ტემპერატურაზე. გამოსაცხობად დასჭირდება 50-60 წუთი.
ღვეზელს გაგრილების შემდეგ მოაყარეთ შაქრის ფხვნილი და გემრიელად მიირთვით!
