ლამაზი ფეხსაცმელების ჩაცმისას ხშირად ვაწყდებით ისეთ პრობლემებს, როგორიცაა წყლულების და კოჟრების გაჩენა. საბედნიეროდ ორივე მათგანის განკურნება უმოკლეს ვადებშია შესაძლებელი. ამის გაკეთება ასეთი მარტივი ხერხების დახმარებით შეგიძლიათ:
როგორ უნდა ვუმკურნალოთ წყლულებს
თუკი წყლული პატარაა, მისი განკურნების საუკეთესო გზა მისი შეხებისგან თავის დაცვაა. ჩაიცვით ოდნავ უფრო დიდი ფეხსაცმელი, მოუარეთ წყლულის ირგვლივ არსებულ კანს ალკოჰოლით ან პეროქსიდით და ასე დატოვეთ. იგი თავისით გაქრება 1-2 დღეში. თუ წყლული დიდია, გახვრიტეთ მისი ძირი და გამოიყვანეთ მისი სითხე გარეთ. არ გაჭრათ კანი და მოუარეთ ჭრილობას ანტისეპტიკური საშუალებებით, შემდეგ კი დააკარით ლეიკოპლასტირი.
ასევე არსებობს ამ პრობლემის გაქრობის სხვა რამდენიმე ეფექტური გზაც:
მანგანუმის ხსნარი – ჩამორეცხეთ წყლული მანგანუმის ხსნარით და ეს მის გაშრობას გამოიწვევს .
მარილი – აურიეთ 1 ს/კ მარილი 1 ლ. ადუღებულ წყალში და დაიაბანეთ ფეხები ამ სითხით.
გვირილა – ეს ყვავილი ანტიბაქტერიული ეფექტებით გამოირჩევა. წყლულების გასაშრობად შეგიძლიათ ჩაალბოთ ფეხები მასთან ერთად ქაფიან წყალში.
კვერცხებს ასევე შეუძლიათ დაზიანებული კანის აღდგენა. გატეხეთ კვერცხი და გამოყავით იგი ნაჭუჭისგან და დაადეთ წყლულზე, შემდეგ კი დაამაგრეთ ლეიკოპლასტირით. ეს მას 1 დღეში განკურნავს.
როგორ უნდა მოვიშოროთ კოჟრები
კოჟრების სამკურნალო ყველა მეთოდი მათი დარბილებისთვისაა, რათა იგი პედიკურის ფუნჯით ან პემზის ქვით მარტივად მოვიშოროთ. არ დაგავიწყდეთ ამის შემდეგ მთელი ფეხის დატენიანება კრემით.
აურიეთ ძმარი და წყალი 1:3 მოცულობით. წაისვით ნაზავი კოჟრებზე დაძინების წინ და დაიკარით მასზე ლეიკოპლასტირი. იგი დილით მარტივად მოგშორდებათ.
ლიმონი – დაორთქლილ კანზე დაიდეთ ლიმონის ქერქი ძილის წინ. ამის გაკეთების შემთხვევაში უბრალოდ ჩაილბეთ ფეხები მარილიან წყალში 3-4 დღის შედეგ და მერე მოიშორეთ კოჟრები.
ალოე – დაიდეთ ფოთოლი კოჟრებზე და დაფარეთ იგი ისე, რომ ჰაერი არ შევიდეს მასში, შემდეგ კი დააკარით ლეიკოპლასტირი ზემოდან. მკვრივი კოჟრები 12-24 საათში დარბილდება და მათ მოშორებას მარტივად შეძლებთ.
ასევე კარგი იდეაა ბოსტნეულის ზეთის წასმა სუფთა ფეხებზე დაძინების წინ. გააგრძელეთ ეს იქამდე, სანამ კოჟრები არ შერბილდება და თავისით გაქრობას არ დაიწყებს. ეს სწრაფი მეთოდი არ არის, თუმცა სრულიად უსაფრთხოა.
საცხობი სოდა კანის ძველი უჯრედების მოშორებაში და განახლების პროცესის დაჩქარებაში გეხმარებათ. დაუმატეთ თბილ წყალს 2 ს/კ სოდა და ჩაალბეთ მასში ფეხები 15 წუთით. ამის შემდეგ პატარა კოჟრები პემზის დახმარებით მარტივად მოგშორდებათ.
