6 საუკეთესო ვარჯიში სხეულის ელასტიურობის გასაზრდელად

0
753

ჯანსაღი ცხოვრებისთვის მხოლოდ ვარჯიშების კეთება საკმარისი არაა. თქვენი სხეული ასევე ელასტიური უნდა იყოს, რის გამოც სპეციალური ხერხებით უნდა გაიუმჯობესოთ თქვენი სხეულის ელასტიურობის დონე:

კოჭების ელასტიურობა

აიღეთ გრძელი ჯოხი და გადადგით წინ ნაბიჯი მარჯვენა ფეხით. დადგით ჯოხი მარჯვენა ფეხის შუა თითის წინ ვერტიკალურად. გადაწიეთ ტანი წინ და არ მოაშოროთ ქუსლი იატაკს. გაიმეორეთ ეს მოქმედება ათჯერ ორივე ფეხით.

მენჯის გადახრა

გადადგით წინ დიდი ნაბიჯი მარჯვენა ფეხით, დააწექით ხელებით მარჯვენა მუხლს და ოდნავ უკან გადაიხარეთ. ეცადეთ გაწიოთ მენჯი რაც შეიძლება წინ, დაბლა დაწევით. ამ ვარჯიშის უფრო გასართულებლად შეგიძლიათ დაჭიმოთ საჯდომის მარცხენა ნაწილი. შეინარჩუნეთ ეს პოზიცია 5 წამის განმავლობაში და შემდეგ მოდუნდით. გაიმეორეთ ორივე ფეხით ხუთჯერ.

ბარძაყის კუნთების უკანა მხარის ელასტიურობა

აიღეთ ჯოხი და დაიჭირეთ ვერტიკალურად. ის უნდა ეხებოდეს თქვენი თავის უკანა ნაწილს, მხრების შუა წერტილს და თქვენი ხერხემლის ბოლოს. არ მოაშოროთ ეს წერტილები ჯოხს და გადაიხარეთ წინ მაქსიმალურად, მუხლების მოხრის გარეშე. შემდეგ კვლავ გაიმართეთ წელში. გაიმეორეთ ეს ვარჯიში ათჯერ.

მხრების სახსრების ელასტიურობა

დადექით ზურგით კედელთან და ამოიდეთ ჩოგბურთის ბურთი კედელსა და მარჯვენა მხარის შუაში. მიაწექით ბურთს და მისი გასრესვით იპოვეთ დაჭიმული წერტილი თქვენი იღლიის მიდამოში. ამ წერტილის პოვნის შემდეგ აწიეთ მარჯვენა ხელი მაღლა სამჯერ მიყოლებით. გააკეთეთ ეს ვარჯიში 1 წუთის განმავლობაში და შემდეგ გაიმეორეთ იგივე პროცედურა მეორე ხელით.

მუცლის კუნთების ელასტიურობა

დაჯექით ჰორიზონტალური სკამის კიდეზე და ოდნავ გადაიხარეთ უკან. ხელები დააწყვეთ სკამის კიდეებზე, გადახრის კუთხე უნდა იყოს დაახლოებით 45 გრადუსი, სტაბილური პოზიციის მისაღებად. გაჭიმეთ ფეხები თქვენს წინ, აწიეთ ისინი მაღლა მუხლების ოდნავ მოხრასთან ერთად და გააჩერეთ ჰაერში. შეინარჩუნეთ ეს პოზიცია მუცლის კუნთების დაჭიმვამდე.

ბარძაყის წინა კუნთების ელასტიურობა

დადექით სწორად და დააწყვეთ ფეხები მხრების სიგანეზე. დაეყრდენით ერთ ფეხს და გაწიეთ მეორე ფეხი უკან და მაღლა. ამ პოზის მიღებისას თქვენი ბარძაყების კუნთები უნდა მიტრიალდეს უკან და არა წინ. გაიმეორეთ ეს ვარჯიში ორივე ფეხით ბარძაყის კუნთების დაჭიმვამდე.

LEAVE A REPLY

Please enter your comment!
Please enter your name here