დაოსური ფილოსოფია ამბობს, რომ მთელი სამყარო ეფუძნება ორი საწყისის, ინის და იანის არსებობას. ეს არა მხოლოდ მდედრობითი და მამრობითი საწყისის სიმბოლოები, არამედ მსოფლიოს ორპირობის სიმბოლოა. ადამიანის სხეულში ინი – შემაერთებელი ქსოვილები, ხოლო იანი კუნთოვანი ქსოვილებია. ამის შესაბამისად იოგის პრაქტიკა არის გადანაწილებული.
იან-იოგა დინამიური ასანების დახმარებით კუნთების განვითარებისკენ არის მიმართული, ხოლო ინ-პრაქტიკა უფრო ქალური ასანაა, რომელიც შემაერთებელი ქსოვილების გაწელვასა და მოქნილობის განვითარებაზეა მიმართული. თქვენ რომელი იოგა შეგეფერებათ?
ცნობილია, რომ იან-იოგა ჩაკრებში სასიცოცხლო ენერგიის ნაკადს ზრდის, ამიტომ ბევრი სწორედ მას ირჩევს. თუმცა ინ-იოგა ენერგეტიკული არხების გაწმენდაში დაგეხმარებათ. თუ ჩაკრები დაბინძურებულია, ენერგია სწორად ვერ იმოძრავებს და გამოდის იან-იოგა ნაკლებად ეფექტური იქნება.
დღეს რედაქცია გიამბობთ, რატომ არის მნიშვნელოვანი ინ-იოგა, განსაკუთრებით ქალებისთვის, ასევე გაჩვენებთ ყველაზე ძლიერ ასანებს.
იოგა ქალებისთვის
1. დრაკონის პოზა
ოთხზე დადექით, ამ პოზიდან მარჯვენა ფეხით წინ ნაბიჯი გადადგით. მარჯვენა ტერფი ოდნავ მარჯვნივ გასწიეთ, ორივე ხელისგული ტერფის შიდა მხარეს დაადეთ. ამ პოზაში რამდენიმე წუთით გაჩერდით. შემდეგ კვლავ ოთხზე დადექით, მოდუნდით და რამდენჯერმე ღრმად ჩაისუნთქეთ. ვარჯიში მეორე მხარეს გაიმეორეთ.
ასანა საზარდულის არეში კუნთების, მენჯის დიაფრაგმას და ფეხების კარგად გავარჯიშებას ხელს უწყობს. ასევე კარგად წმენდს ენერგეტიკულ არხებს და ბალანსს აღადგენს.
2. შეკრული კუთხის პოზა
იატაკზე დაჯექით, ზურგი გამართული, ფეხები წინ გამართული, შემდეგ მუხლებში მოხარეთ, ტერფები ხელით დაიჭირეთ და როგორც შეძლებთ საზარდულისკენ მისწიეთ. ტერფები შეაერთეთ, თითებით ძლიერ დაიჭირეთ. ახლა ბარძაყები გვერდზე გასწიეთ და ეცადეთ მუხლები იატაკს შეახოთ. ხერხემალი წინ გაწელეთ, ხედვა თქვენს წინ.
ამ ასანაში მანამ გაჩერდით, სანამ თქვენთვის კომფორტული იქნება. შემდეგ ყოველი ამოსუნთქვისას სხეული ქვემოთ დახარეთ, ამასთან ხერხემალი სწორად შეინარჩუნეთ. ეცადეთ თავი და სხეული იატაკს შეახოთ. პირველივე ჯერზე არ გამოგივათ, მაგრამ ამ შედეგისკენ უნდა ისწრფვოდეთ. მაქსიმალურ წერტილში რამდენიმე წუთით გაჩერდით, შემდეგ ამოსუნთქვაზე საწყის პოზას დაუბრუნდით.
3. ნემსიყლაპიას პოზა
ძლიერი ენერგეტიკული გავლენის გარდა ასანა მხრის სარტყელის კუნთების ინტენსიურ გაწელვას და მხრების სახსრების მოქნილობის განვითარებას ხელს უწყობს.
მუცელზე დაწექით, იდაყვებს დაეყრდენით და სხეული ასწიეთ. მარჯვენა ხელი მარცხენა მხარეს, მარცხენა ხელი კი მარჯვენა მხარეს გასწიეთ. სხეული იატაკზე დაუშვით და კორპუსი ხელებზე გადაიტანეთ, რომ კისრის ზედმეტი დაჭიმულობა მოიშოროთ. ნაზად და თანაბრად ისუნთქეთ, კუნთებს მოდუნების საშუალება მიეცით. ამ პოზაში 1 წუთით გაჩერდით. ასანიდან გამოდით, ხელებს ადგილი შეუცვალეთ და კვლავ გაიმეორეთ.
4. მტრედების მეფის პოზა
იატაკზე დაჯექით, მარცხენა ფეხი მუხლში მოხრილი, ხელისგულები ტერფებთან. ხელისგულებზე დაყრდნობით მუხლში მოხრილი ფეხი იატაკზე, ბარძაყის შიდა მხარეს მოათავსეთ. მარჯვენა ფეხი უკან გამართეთ. კორპუსი გამართული, თავით ჭერისკენ გაიწელეთ, გულმკერდი გახსენით. ამ ასანაში სუნთქვის 5 ციკლი გაჩერდით.
ასანის გაუმჯობესებულ ვარიანტში მარჯვენა ფეხი მუხლში იხრება და თავისკენ იმართება. თავიდან ამის გაკეთება არ გამოგივათ, მაგრამ ეს ისაა, რისკენაც უნდა ისწრაფვოდეთ.
5. უპავიშტხა კონასანა
იატაკზე დაჯექით, ფეხები მუხლებში გამართეთ და გვერდებზე მაქსიმალურად გასწიეთ. იდეალურ მდგომარეობაში ფეხები ერთ ხაზზე უნდა იყოს. ახლა კორპუსი წინ გადახარეთ. თუ შეძლებთ, სხეული ბოლომდე იატაკს დაადეთ, ხელები თავს ზემოთ გამართეთ. ამ ასანაში 5 სუნთქვის ციკლი გაჩერდით.
6. ხის პოზა
მთის პოზაში დადექით. ამოსუნთქვაზე მარჯვენა ფეხი მოხარეთ და წონა მარცხენა ფეხზე გადაიტანეთ. მარჯვენა ტერფი მეორე ფეხის ბარძაყის შიდა მხარეს, საზარდულთან ახლოს დაადეთ.
ხელები მკერდის დონეზე შეაერთეთ, შემდეგ თავს ზემოთ ასწიეთ. ბალანსი შეინარჩუნეთ და 5-7 სუნთქვის ციკლი შეასრულეთ. მეორე ფეხით გაიმეორეთ.
7. მეომრის პოზა
სწორად დადექით, ამოსუნთქვაზე მარჯვენა ფეხით ფართო ნაბიჯი გადადგით და ტერფი წინ მიმართეთ. მარცხენა ფეხი მუხლში მოხარეთ, კორპუსი ქვემოთ დასწიეთ და მარჯვნივ მოაბრუნეთ. ხელები გვერდებზე გამართეთ. გულმკერდი გახსენით, კუნთების დაჭიმვა იგრძენით, გულის მხარე გაიხსნება, სხეული კი ენერგიით გაივსება.
ამ ასანაში 5-7 სუნთქვის ციკლი გაჩერდით, შემდეგ მეორე მხარეს გაიმეორეთ.
8. პრესარიტა პადოტანასანა
სწორად დადექით, ფეხები მხრების სიგანეზე გაშალეთ. ამოსუნთქვაზე წინ დაიხარეთ, მთელი კორპუსით ბარძაყებს შორის სივრცე გაწელეთ. ხელისგულები იატაკს ან მუხლებს დაადეთ. ფეხები მაქსიმალურად გამართული, ზურგი მოდუნებული.
ყველა ეს ასანა კუნთების მოდუნებისკენაა მიმართული. ეს ერთგვარი მედიტაციის იოგაა. სწორედ ამიტომ, ვარჯიშის შესრულებისას ღრმად ისუნთქეთ და მოდუნდით. თუ კუნთები დაძაბული იქნება, ისინი მთელ დატვირთვას მიიღებენ, თქვენი მიზანი კი შემაერთებელი ქსოვილების გაწელვაა. სწორედ ისინი რომ გაავარჯიშოთ, მაქსიმალურად უნდა მოდუნდეთ.
სწორად შესრულებული ასანა გაწელვებს გააუმჯობესებს, სახსრებს გააძლიერებს, ასევე მოდუნებას გასწავლით, სისხლის მიმოქცევას გააუმჯობესებს, იმუნიტეტს გაზრდის, სტრესს და შფოთვას მოგაშორებთ. თავს არა მხოლოდ ფიზიკურად, არამედ ენერგეტიკულ, ფსიქოლოგიურ და ემოციურ დონეზე თავს უკეთ იგრძნობთ.
თუ ასანები მოგეწონათ, მეგობრებს სოციალურ ქსელში აუცილებლად გაუზიარეთ.
