როგორ მოვიშოროთ ბუგრები სწრაფად და მარტივად: 25 გამოცდილი მეთოდი

2405

ბუგრები, ალბათ, ყველაზე საძულველი მავნებელია ბოსტანში. მას შენიღბვა და სწრაფად მოქმედება შეუძლია. ზოგჯერ ბუგრების მოშორება უბრალოდ შეუძლებელი ხდება. ის მცენარიდან მცენარეზე გადადის და თავის სამფლობელოს უჩვეულო სისქარით აფართოებს. სანამ სასოწარკვეთას მიაღწევთ, რაღაც ახალი მეთოდი გამოცადეთ.

გთავაზობთ 25 მეთოდს, როგორ მოიშოროთ ბუგრები და ოთახის მცენარეები მისგან გაათავისუფლოთ. თანაბარი და გლუვი ფოთლები, ჯანსაღი ყვავილები და მსხვილი ნაყოფი უზრუნველყოფილი გექნებათ. უბრალოდ ყველაზე ჩვეულებრივი საშუალებები მოიმარაგეთ. ზოგიერთ მათგანს პირდაპირ თქვენს მაცივარში იპოვით.

ჩვენს სიას ყველაზე ექსტრავაგანტული მეთოდით დავიწყებთ. ბუგრის მოშორება არყით შეიძლება. პულვერიზატორში ჩაასხით და მცენარე დანამეთ. დასამუშავებლად ყველაზე იაფი სასმელი გამოგადგებათ. ასევე შეგიძლიათ გამოიყენოთ კოკა-კოლა.

გამოცდილ დიასახლისებში პოპულარულია დიასახლისის საპნის ხსნარი (200 გრ 10 ლ წყალზე). დაზიანებულ მცენარეს ამ ხსნარით ამუშავებენ. ასევე მებაღეები გირჩევენ ნიშადურის სპირტის ან კალცირებული სოდის ხსნარს. ბოლო მზადდება შემდეგი პროპორციით: 1 ს/კ სოდა 1 ლ წყალზე.

ბუგრების მოშორებას ნაცრის დახმარებით შეძლებთ. 200-300 გრ ნაცარს 5 ლ მდუღარე წყალი დაასხით, აურიეთ და გააგრილეთ. შემდეგ გადაწურეთ და 20 გრ დიასახლისის საპონი დაუმატეთ. ხსნარით მცენარე მორწყეთ.

ცხარე წიწაკა ბუგრების წინააღმდეგ ეფექტურია. 0,5 კგ წიწაკა დააქუცმაცეთ და 5 ლ წყალი დაასხით. ნარევი აადუღეთ, 2 დღე დააყენეთ. შემდეგ გადაწურეთ და ჭურჭელში ჩაასხით. გამოყენებამდე საშუალება წყალში გააზავეთ (1 ჭიქა ნაყენი 10 ლ წყალზე). აქვე შეგიძლიათ დიასახლისის საპონი დაუმატოთ.

მავნებლებთან ბრძოლაში შეგიძლიათ პირშუშხას ნაყენი გამოიყენოთ. მცენარის ფოთლები და ფესვები დააქუცმაცეთ, ამით ვედროს ნახევარი მოცულობა გაავსეთ. წყალი დაასხით. 3 საათით დააყენეთ. ამავე მეთოდით ქრისტესისხლას ნაყენი მოამზადეთ, მაგრამ 2 დღე დააყენეთ. ორივე ხსნარს საპონი დაუმატეთ.

ფიჭვის ყლორტებიდან ნაყენი რომ მოამზადოთ, 2 კგ მთავარ ინგრედიენტს 5 ლ წყალი დაასხით. 1 კვირა დააყენეთ, ხშირად აურიეთ. შემდეგ წყალში 1:10 პროპორციით გააზავეთ. აი, ჭინჭარს (100-200 გრ) საკმარისია 1 ლ წყალი დაასხათ და 1 დღე დააყენოთ.

ბაბუაწვერას ნაყენი მსგავსი მეთოდით მზადდება. 500 გრ ბაბუაწვერას ფოთლებს 10 ლ წყალი დაასხით. დაახლოებით 3 საათით დააყენეთ. ბუგრები რომ მოიშოროთ ნიორი-ხახვის ნაყენი გამოიყენეთ. 0,5 ჭიქა ნიორს და 0,5 ჭიქა ხახვის ფურცლებს 3 ლ მდუღარე წყალი დაასხით. ნარევი 4 საათით დააყენეთ, შემდეგ 10 ლ წყალში გააზავეთ.

კარტოფილის ფოჩი მავნებელთან ბრძოლაში დაგეხმარებათ. 300 გრ მწვანე ფოჩს 5 ლ მდუღარე წყალი დაასხით, 1 დღე დააყენეთ. შემდეგ 20 გრ დიასახლისის საპონი დაუმატეთ. ასევე 250 გრ პომიდვრის ღეროებს შეგიძლიათ 5 ლ მდუღარე წყალი დაასხათ და 1 დღე გააჩეროთ. ასევე საპონიც დაუმატეთ.

ბუგრების საწინააღმდეგოდ მდოგვის ხსნარს 200 გრ ფხვნილისგან ამზადებენ. მდოგვის ფხვნილი 5 ლ წყალში გახსენით. აი, 1 კგ თამბაქოს მტვერს 10 ლ მდუღარე წყალს ასხამენ. ორივე ხსნარს ერთი დღე აყენებენ, შემდეგ წურავენ. გამოყენების წინ ხსნარი წყალში ზუსტად 1:3 პროპორციით გააზავეთ.

ასევე ბუგრებს ფორთოხლის ქერქის დახმარებით იშორებენ. 1 კგ ქერქს 10 ლ თბილი წყალი დაასხით და 3 დღე დააყენეთ. აი, 300 გრ ჩვეულებრივ ღოლოს აქუცმაცებენ და 10 ლ წყალს ასხამენ. მას მხოლოდ 3 საათით აყენებენ, მაგრამ მას გვერდითი ეფექტები აქვს.

ფარსმანდუკის ნაყენი ასე მზადდება: 2,5 კგ ახალ ბალახს 10 ლ წყალი დაასხით და ნახევარი საათით ადუღეთ. ამავე რაოდენობის წყალს ასხამენ 1 კგ ხმელ სააფთიაქო გვირილას. საშუალება დაახლოებით 1 დღე დააყენეთ, შემდეგ წყალში გააზავეთ.

ბუგრების მოშორებას მურყანის ფოთლების ნაყენით შეძლებთ. 2 კგ ფოთლებს 10 ლ თბილი წყალი დაასხით. ჯერ 1 დღე დააყენეთ, შემდეგ ადუღებამდე მიიყვანეთ და 40 წუთით ხარშეთ. გამოყენების წინ გააგრილეთ. ოროვანდის დაქუცმაცებულ ფოთლებს, როგორც წესი, თბილ წყალს ასხამენ და 1 დღე აყენებენ. ადუღება არ სჭირდება.

გამოცდილი დიასახლისები ლემას და ხავედრას ბუგრების საწინააღმდეგო საშუალებებად იყენებენ. ერთად ან ცალ-ცალკე ბალახები დააქუცმაცეთ, 1 ვედრო თბილი წყალი დაასხით. მინიმუმ 1 დღე დააყენეთ, შემდეგ გადაწურეთ და ნაყენით დაზიანებული მცენარე დანამეთ.

ბუგრები ერთხელ და სამუდამოდ რომ მოიშოროთ, პირველ რიგში ჭიანჭველებს უნდა გაუმკლავდეთ. საქმე იმაშია, რომ ჭიანჭველები ბუგრების ტკბილი ნარჩენებით იკვებებიან. ისინი მავნე მწერებს მთელ ტერიტორიაზე ავრცელებენ, ამრიგად მათ საკვებით უზრუნველყოფენ. ბაღიდან ჭიანჭველების და ბუგრების მოშორება აღარ შეგაწუხებთ.

ახლა უკვე იცით, თუ როგორ მოაშოროთ ბუგრები მცენარეებს. აღვნიშნავთ, რომ მსგავსი პროცედურები მავნებლების პირველივე ნიშნებზე უნდა ჩაატაროთ, რადგან პატარა კოლონიის მოშორება ბევრად უფრო მარტივია. თქვენ რომელ მეთოდებს იყენებთ მავნებლების საწინააღმდეგოდ?