სტატიაში შემოგთავაზებთ უგემრიელესი ყველის რეცეპტს, რომლის მომზადება საშინაო პირობებშიც შეგიძლიათ.
საჭირო იგრედიენტები:
- რძე 2 ლ
- არაჟინი 5 ს. კ.
- ლიმონის წვენი 4 ს. კ.
- მარილი გემოვნებით
მომზადების წესი:
- აიღეთ საშუალო ზომის ქვაბი, ჩაასხით რძე და დადგით დაბალ ცეცხლზე. როდესაც რძე შეთბება, დაამატეთ არაჟანი და კარგად აურიეთ.
- გაცხელებულ ნარევს დაამატეთ ლიმონის წვენი, შეაზავეთ მარილით და აადუღეთ. ადუღებიდან კიდევ 1 წუთი ადუღეთ დაბალ ცეცხლზე.
- აიღეთ თუშფალანგი, დააფინეთ 2 ფენა მარლა და ქვაბიდან გადაასხით მომზადებული მასა. მარლაზე დარჩება რძის აჭრის შედეგად წარმოქმნილი მასა, რომელიც ერთად შეაგროვეთ და კარგად გაწურეთ, დარჩენილი შრატი კი ჩაასხით ქილაში.
- ყველს მარლა არ შემოხსნათ, დადეთ თეფშზე და დაადეთ სიმძიმე. ერთი საათის შემდეგ საშინაო პირობებში მომზადებული უგემრიელესი რძის ნაწარმი მზად იქნება.
- ყველი დაჭერით კუბიკებად და ჩააწყვეთ მარილწყალში, რომელსაც დარჩენილი შრატისგან მოამზადებთ.
- საშინაო პირობებში მომზადებული ყველი მარილწყალში რამდენიმე დღე გაძლებს.
- სურვილისამებრ შეგიძლიათ დაამატოთ სანელებლები, მწვანილი, მწარე წითელი წიწაკა და მიიღებთ უგემრიელეს ყველს.
დამერწმუნეთ საშინაო პირობებში მომზადებული ყველი ნაყიდზე ბევრად უფრო გემრიელია და ამავე დროს ნატურალურია.
რეცეპტი შეინახეთ და მეგობრებსაც გაუზიარეთ.
