შემოგთავაზებთ ნივრით შეზავებული დამარინადებული ბადრიჯნის რეცეპტს. მოამზადეთ და დარწმუნდით, რომ ძალიან გემრიელია.
საჭირო ინგრედიენტები:
- ბადრიჯანი (საშუალო) 6-7 ცალი
- ნიორი 1 თავი
ინგრედიენტები მარინადისთვის:
- წყალი 2 ჩ. ჭ.
- ძმარი 100 მლ
- მიხაკი 4 ცალი
- დაფნის ფოთოლი 5 ცალი
- შავი პიმპილი 10 მარცვალი
- ყავისფერი შაქარი 3 ს. კ. ან სურვილისამებრ შეგიძლიათ დაამატოთ თაფლი 2 ს. კ
- მარილი 1,5 ს. კ.
- ზეთი 1 ს. კ.
მომზადების წესი:
- ბადრიჯანი გათალეთ, დაჭერით სიგრძეზე და ორივე მხრიდან შეწვით ზეთში.
- მარინადისთვის აადუღეთ წყალი, დაამატეთ მოცემული ინგრედიენტები და ადუღეთ 1-2 წუთი. გააციეთ.
- ნიორი გაარჩიეთ, დაჭერით მრგვალად. აიღეთ ქვაბი და ფენა-ფენა ჩააწყვეთ შემწვარი ბადრიჯანი, მოაყარეთ ნიორი და დაასხით მარინადი და შედეთ მაცივარში, დააყოვნეთ 3-5 დღე, მაგრამ შეგიძლიათ მეორე დღესვე მიირთვათ.
გემრიელად მიირთვით და ისიამოვნეთ!
