წითელი ხიზილალა, მდიდრული დელიკატესი, სადღესასწაულო სუფრის მშვენებაა. სტატიაში შემოგთაცაზებთ ხიზილალას მომზადების სამ საუკეთესო იდეას, რომელთა გათვალისწინებით სადღესასწაულო სუფრას კიდევ უფრო მეტ ლაზათსა და ხიბლს შეჰმატებთ.
პირველი ვარიანტისთვის საჭირო ინგრდიენტები:
- 10 ცალი (ფხვიერი ცომისგან მომზადებული) ტარტალეტკა
- წითელი ხიზილალა 30 გრ.
- მწყრის კვერცხი (მოხარშული) 5 ცალი
- კიტრის ნახევარი (სიგრძეზე გაჭრილი)
- კარაქი 30 გრ.
- ოხრახუში 10 გრ.
მომზადების წესი:
- კარაქი გაყინეთ და გახეხეთ. გახეხილი კარაქი თანაბრად გაანაწილეთ ტარტალეტკებზე.
- კიტრი დაჭერით ნახევარწრეებად. მწყრის კვერცხი გაჭერით ორ თანაბარ ნაწილად და კიტრის ნაჭერთან ერთად სიგრძეზე ჩადეთ ტარტალეტკის კიდეზე.
- კარაქს ზემოდან დაადეთ ნახევარი ჩაის კოვზზე ცოტა მეტი ხიზილალა და გააფორმეთ ოხრახუშის ფოთლებით.
მეორე ვარიანტისთვის დაგჭირდებათ შემდეგი ინგრედიენტები:
- პური 5 ნაჭერი
- წითელი ხიზილალა 30 გრ.
- ყველი 50 გრ.
- მოხარშული კვერცხი 1 ცალი
- მაიონეზი 1 ს. კ.
- კამა 50 გრ.
- კარაქი 50 გრ.
მომზადების წესი:
- დაგჭირდებათ საშუალო ზომის მრგვალი ამოსაჭრელი მოწყობილობა, შეგიძლიათ ჭიქაც გამოიყენოთ.
- პურის ნაჭრებიდან მრგვალად ამოჭერით პატარა კოკრები (10 ცალი). გააცხელეთ ტაფა, დაასხით ძალიან ცოტა ზეთი და სილიკონის ფუნჯით თანაბრად გაანაწილეთ.
- ამოჭრილი პურის კოკრები ორივე მხრიდან ოდნავ დაბრაწეთ. შემდეგ კიდეებზე წაუსვით კარაქი, ამოავლეთ წვრილად დაჭრილ კამაში და დააწყვეთ ლანგარზე.
- ყველი და მოხარშული კვერცხი გახეხეთ, დაამატეთ ცოტა კამა და აურიეთ. მიღებული მასა თანაბრად გაანაწილეთ მომზადებულ კოკრებზე და ზემოდან დაადეთ ნახევარ ჩაის კოვზამდე ხიზილალა.
მესამე ვარიანტის მოსამზადებლად დაგჭირდებათ შემდეგი ინგრედიენტები:
- ფხვიერი ცომისგან მომზადებული ტარტალეტკები 10 ცალი
- წითელი ხიზილალა 30 გრ.
- კრემ-ყველი 50 გრ.
- კიტრი 1 ცალი
- ბულგალური პიმპილი 1-2 ცალი
მომზადების წესი:
- ტარტალეტკის გულები ამოავსეთ კრემ-ყველით, ზემოდან დაადეთ ნახევარ ჩაის კოვზამდე წითელი ხიზილალა.
- კიტრი არ გათალოთ, დაჭერით სიგრძეზე თხელ ნაჭრებად. თითოეული ნაჭერი დაკეცეთ გოფრეს მსგავსად და დაამაგრეთ კბილის ჩხირით.
- დაგჭირდებათ ვარსკვლავის ფორმა ან ნებისმიერი თქვენთვის ხელმისაწვდომი, რომლის საშუალებითაც ამოჭრით ბულგარულ პიმპილას.
- მიღებულ ვარსკვლავს ზემოდან დაამაგრეთ კბილის ჩხირზე და საახალწლო სუფრის მშვენება, ნაძვის ხე, მზად არის.
გაითვალისწინეთ მოცემული რჩევები, გაალამაზეთ თქვენი სადღესასწაულო სუფრა და აღაფრთოვანეთ საყვარელი ადამიანები.
