ფინიკი უგემრიელესი ხილია, რომლიც ჯანმრთელობასთან დაკავშირებულ პრობლემათა მოსაგვარებლად ერთ-ერთი საუკეთესო ნატურალური საშუალებაა. ფინიკი გაჯერებულია საკვები ნივთიერებებით, რომელთა დახმარებით შეძლებთ ყაბზობისგან, ნაწლავური დარღვევებისგან გათავისუფლებას, მოიგვარებთ გულის, ანემიის, დიარეის პრობლემებს.
მოგაწვდით მცირე ინფორმაციას ფინიკის სარგებელის შესახებ. ფინიკი მდიდარია საკვები ნივთიერებებით. იგი შეიცავს კალიუმს, სპილენძს, ბოჭკოებს, ვიტამინ B6, მაგნიუმს, მანგანუმს. მიიღეთ 3 ცალი ფინიკი დღის განმავლობაში და გაიჯერეთ ორგანიზმი აუცილებელი საკვები ნივთიერებებით, გაიუმჯობესეთ საჭმლის მომნელებელი ტრაქტის ფუნქციონირება.
ბოჭკოებით მდიდარი ფინიკი ამცირებს მსხვილი ნაწლავის კიბოს განვითარების რისკს, მოქმედებს როგორც ბუასილის ბუნებრივი წამალი.
ფინიკი შეიცავს საკმარისი რაოდენობის მაგნიუმს. ის მოქმედებს როგორც ანთების საწინააღმდეგო საშუალება. შედეგად გაგათავისუფლებთ სახსრებისა და კუნთების ტკივილისგან. გამოკვლევების შედეგად დადასტურებულია, რომ ფინიკის შემადგენლობაში შემავალი მაგნიუმი ხელს უწყობს არტერიული ანთებისა და გულის დაავადებების რისკის შემცირებას.
მაგნიუმი, რომელიც ფინიკის შემადგენლობაშია, სასარგებლოა მაღალი არტერიული წნევის დასაწევად. ფინიკი მდიდარია კალიუმით, რომელიც აუცილებელია გულის ნორმალური ფუნქციონირებისთვის, ამცირებს არტერიულ წნევას.
გამოკვლევების შედეგად დადასტურებულია, რომ ფინიკი 10%-ით ამცირებს ინსულტის რისკს, ააქტიურებს ტვინის ფუნქციონირებას. ფინიკის შემადგენლობაში შემავალი B6 ვიტამინი ხელს უწყობს თავის ტვინის ფუნქციონირების გაუმჯობესებას.
მიირთვით ყოველდღიურად უგემრიელესი ფინიკი და მოიგვარეთ ჯანმრთელობასთან დაკავშირებული პრობლემები.
