შემოგთავაზებთ საოცრად გემრიელი ბრაზილიური შოკოლადის „ბრიგადეიროს“ რეცეპტს, რომელიც უმარტივესი მოსამზადებელია. უმოკლეს დროში შეძლებთ ამ საოცრების დაგემოვნებას.
მოსამზადებლად დაგჭირდებათ შემდეგი ინგრედიენტები:
- შესქელებული რძე 2 ქილა
- კაკაოს ფხვნილი 8 ს. კ.
- კარაქი 100 გრ
- გახეხილი მწარე შოკოლადი
მომზადების წესი:
- სქელძირიან ქვაბში, ჩაასხით შესქელებული რძე, დაამატეთ გაცრილი კაკაო და კარგად აურიეთ. შემდეგ დაამატეთ კარაქი, დადგით დაბალ ცეცხლზე და განუწყვეტლივ ურევთ 15-20 წუთის განმავლობაში.
- მასა გასქელდება. იმისათვის, რომ გაიგოთ, შოკოლადი მზად არის თუ არა, ჩაის კოვზის წვერით აიღეთ, ჩადეთ ცივ წყალში და ხელით დაამრგვალეთ. თუ შოკოლადი ფორმას შეინარჩუნებს ე. ი. მზად არის.
- მზა მასა გააგრილეთ, გამოხელეთ თქვენთვის სასურველი ზომის ბურთულები და ამოავლეთ წინასწარ გახეხილ მწარე შოკოლადში. შეგიძლიათ გამოიყენოთ თეთრი შოკოლადიც.
- შემოთავაზებული პროპორციებით, დაახლოებით 1 კილოგრამადე კანფეტს მოამზადებთ, ხოლო თუ პროპორციებს გაანახევრებთ_ნახევარ კილოგრამს. კანფეტები შეინახეთ მაცივარში.
შემოთაბაზებული ნუგბარის ძირითადი ინგრედიენტი არის შესქელებული რძე, კაკაო, კარაქი, რომელსაც შეგიძლიათ დაამატოთ ცოტა კონიაკი ან თხილი, ნუში, ნებისმიერი ჩირი და შეჰმატოთ საოცარი არომატი.
