შემოგთავაზებთ უგემრიელესი, ფუმფულა, ჰაეროვანი და ნაზი არომატით გაჯერებული კექსის რეცეპტს. კექსს განუმეორებელ გემოს ანიჭებს შესქელებული რძე.
მოსამზადებლად დაგჭირდებათ შემდეგი ინგრედიენტები:
- ფქვილი 250 გრ
- კარაქი 100 გრ
- შესქელებული რძე 1 ქილა
- 4 ცალი კვერცხი
- მწიკვი მარილი
- 1,5 ჩ. კ. გამაფხვიერებელი
- მწიკვი ვანილი
- ქიშმიში (სურვილისამებრ) 150 გრ
მომზადების წესი:
- ოთახის ტემპერატურის კარაქს დაამატეთ მარილი და მიქსერით კარგად ათქვიფეთ. სათითაოდ შეათქვიფეთ კვერცხი. შემდეგ დაამატეთ შესქელებული რძე. ბოლოს შეაზილეთ გაცრილი ფქვილისა და გამაფხვიერებლის ნარევი. მიიღებთ თხელ დასასხმელ მასას.
- თუ სურვილი გაქვთ და გიყვართ ქიშმიში შეგიძლიათ დაამატოთ. ქიშმიშს გამოყენებამდე გადაავლეთ ცხელი წყალი, გააშრეთ, დაამატეთ სუფრის კოვზი სახამებელი და აურიეთ.
- საცხობ ფორმას წაუსვით ზეთი. ჩაასხით ცომი და თანაბრად გაანაწილეთ.
- ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 40-45 წუთი.
კექსი ფორმიდან ამოიღეთ გაგრილების შემდეგ. შეგიძლიათ დაფაროთ შაქრის ფხვნილით ან გამდნარი შოკოლადით. გემრიელად მიირთვით!
