შემოგთავაზებთ რეცეპტს, რომლის მიხედვითაც, ყოველგვარი ზედმეტი ძალისხმევის გარეშე, შეძლებთ ფუმფულა და ნაზი ბისკვიტის მომზადებას.
ბისკვიტის მოსამზადებლად დაგჭირდებათ შემდეგი ინგრედიენტები:
- კვერცხი 5 ცალი
- შაქარი 1 ჩ. ჭ.
- ფქვილი 1 ჩ. ჭ.
- სოდა მწიკვი
- ვანილი
მომზადების წესი:
- დაიმახსოვრეთ, რომ კვერცხი აუცილებლად უნდა იყოს ცივი. კარგი იქნება თუ კვერცხის ასათქვეფად გამოიყენებთ ღრმა თასს. თქვეფის დროს თასი ოდნავ დახარეთ. თქვეფთ მიქსერით. კვერცხიანი მასა 4-5-ჯერ უნდა გაიზარდოს. ნელ-ნელა შეათქვიფეთ შაქარი და ვანილი.
- მცირე ულუფებით შეაზილეთ ფქვილი სოდასთან ერთად. ფრთხილად ურევთ ხის კოვზით.
- ბისკვიტის გამოსაცხობად გამოიყენეთ 25 სმ დიამეტრის ფოლადის მრგვალი საცხობი ფორმა მოსახსნელი გვერდებით. ფორმაში ჩააფინეთ პერგამენტის ქაღალდი და ძირზე მოაყარეთ ფქვილი. მზა ცომი ნაზად გადაიტანეთ და თანაბრად გაანაწილეთ.
- ღუმელი გააცხელეთ 200 გრადუს ტემპერატურაზე და ბისკვიტი შედეთ გამოსაცხობად. დაიმახსოვრეთ, ღუმელის კარი არ უნდა გამოაღოთ, სანამ ბისკვიტი ცხვება, წინააღმდეგ შემთხვევაში ჩაგივარდებათ. გამოსაცხობად დასჭირდება 40-45 წუთი. მზა ბისკვიტი ღუმელიდან 5-10 წუთის შემდეგ გამოიღეთ.
ბისკვიტი ფორმიდან გაგრილების შემდეგ ამოიღეთ. სადღესასწაულო ფუმფულა ბისკვიტიც მზად არის.
