შემოგთავაზებთ ხაჭოს ფუმფულა ფუნთუშების რეცეპტს. შეგიძლიათ რამდენიმე წუთში ჰაეროვანი, უგემრიელესი და ოქროსფრად დაბრაწული დესერტით გაუმასპინძლდეთ თქვენს საყვარელ ადამიანებს. ფუნთუშები უგემრიელესია როგორც ტკბილი, ისე მარილიანი.
მოსამზადებლად დაგჭირდებათ შემდეგი ინგრედიენტები:
- ხაჭო 250 გრ
- კვერცხი 2 ცაალი
- შაქარი 5 ს. კ.
- მარილი მწიკვი
- ვანილი
- გამაფხვიერებელი 12 გრ
- ფქვილი 250 გრ
- რძე 2 ს. კ.
მომზადების წესი:
- კვერცხი და შაქარი ათქვიფეთ, დაამატეთ მარილი, ვანილი, ხაჭო და აურიეთ. შემდეგ ნელ-ნელა შეაზილეთ გაცრილი ფქვილი და გამაფხვიერებელი.
- ცომი უნდა იყოს რბილი და ხელებზე ოდნავ უნდა ეწებებოდეს. შემდეგ სველი ხელით გამოხელეთ პატარა ფუნთუშები და დააწყვეთ საცხობ ფორმაზე, რომელზედაც ცხიმწასმული პერგამენტის ქაღალდი გაქვთ დაფენილი.
- ღუმელი გააცხელეთ 190 გრადუს ტემპერატურაზე. გამოსაცხობად დასჭირდება 15-17 წუთი. 12 წუთის შემდეგ გამოიღეთ, ფუნთუშებს ფუნჯით გადაუსვით რძე, მოაყარეთ შაქარი და 3-5 წუთით კვლავ შედეთ ღუმელში.
რამდენიმე წუთში სასიამოვნო სურნელი დატრიალდება და ხაჭოს გემიელი ფუნთუშები თქვენს საუზმეს ბედნიერებასა და ხალისს შეჰმატებს.
