შემოგთავაზებთ მარმელადის რეცეპტს. მარმელადი პატარების საყვარელი ტკბილეულია. ეს ნუგბარი შეგიძლიათ მოამზადოთ თქვენთვის სასურველი ხილის წვენით.
მარმელადის მოსამზადებლად დაგჭირდებათ შემდეგი ინგრედიენტები:
- ვაშლის წვენი 100 მლ
- შაქარი 2 ჩ. ჭ.
- ლიმონის ცედრა 2 ს. კ.
- ჟელატინი 20 გრ
- წყალი 100 მლ
მომზადების წესი:
ჟელატინს დაასხით ვაშლის წვენი და ცოტა ხნით დააყოვნეთ. სქელძირიან ქვაბში ჩაყარეთ შაქარი, დაასხით წყალი, დაამატეთ ლიმონის ცედრა და ქვაბი დადგით დაბალ ცეცხლზე. ამზადებთ სიროფს, ურევთ განუწყვეტლივ, სანამ შაქარი არ გადნება. შემდეგ ქვაბი გადმოდგით ცეცხლიდან, დაამატეთ აფუებული ჟელატინი, კარგად აურიეთ და გაატარეთ საცერზე.
მზა მასა თანაბრად გაანაწილეთ ფორმებში, გააგრილეთ და რამდენიმე საათით შედეთ მაცივარში. გაგრილების შემდეგ ამოიღეთ ფორმებიდან ან დაჭერით და დაფარეთ შაქრის ფხვნილით.
გემრიელად მიირთვით!
