ამბობენ: ბედნიერების ყიდვა არ შეიძლებაო, მაგრამ მისი მომზადება და დაგემოვნება შეიძლება. შემოგთავაზებთ შოკოლადის დესერტის რეცეპტს ხაჭოს ბურთულებით. დესერტი უგემრიელესია და ძალიან ლამაზია.
ხაჭოს ბურთულების მოსამზადებლად დაგჭირდებათ შემდეგი ინგრედიენტები:
- ხაჭო 250 გრ
- ფქვილი 3 ს. კ.
- კვერცხი 1 ცალი
- შაქარი 50 გრ
- ქოქოსის ფანტელი 40 გრ
ცომის მოსამზადებლად დაგჭირდებათ შემდეგი ინგრედიენტები:
- ფქვილი 150 გრ კვერცხი
- 3 ცალი შაქარი 100 გრ
- ვანილის შაქარი 1 ს. კ.
- მარილი მწიკვი
- შოკოლადი 100 გრ
- კაკაო 3 ს. კ.
- სახამებელი 2 ს. კ.
- გამაფხვიერებელი 1 ჩ. კ.
- რძე 100-150 მლ
მინანქრის მოსამზადებლად დაგჭირდებათ:
- შოკოლადი 100 გრ
- თაფლი 20 გრ
- კარაქი 15 გრ
- ნაღები 40 მლ
მომზადების წესი:
- პირველ რიგში, ამზადებთ ხაჭოს ბურთულებს. ხაჭო გაატარეთ საცერზე ან დააბლენდერეთ. კვერცხი შაქართან ერთად 2-3 წუთის განმავლობაში ათქვიფეთ, დაამატეთ გაცრილი ფქვილი, ქოქოსის ფანტელი და აურიეთ.
- დაგჭირდებათ 22-24 სმ დიამეტრის ფორმა. ჩააფინეთ პერგამენტის ქაღალდი, წაუსვით კარაქი, მოაყარეთ ფქვილი. ხაჭოს მასისგან გამოხელეთ ბურთულები და დააწყვეთ საცხობ ფორმაზე. შოკოლადი დაჭერით.
- სქელძირიან ქვაბში ჩაასხით რძე და დადგით დაბალ ცეცხლზე (არ აადუღოთ). გადმოდგით ცეცხლიდან, დაამატეთ დაჭრილი შოკოლადი, გააჩერეთ 1-2 წუთი და აურიეთ.
- კვერცხის ცილა და გული გამოყავით ერთმანეთისგან. გულებს დაამატეთ შაქარი და 3-4 წუთის განმავლობაში ათქვიფეთ.
- შემდეგ შეურიეთ შოკოლადიანი მასა. თასში აურიეთ გაცრილი ფქვილი, სახამებელი, კაკაო, გამაფხვიერებელი და მიღებული ნარევი ნელ-ნელა შეაზილეთ მომზადებულ მასას. თუ ცომი ძალიან სქელი გამოგივიდათ, დაამატეთ ცოტა რძე და ოდნავ გაათხელეთ.
- კვერცხის ცილა ათქვიფეთ მარილთან ერთად და ნაზად შეურიეთ მომზადებულ ცომს. ცომი გადაიტანეთ საცხობ ფორმაში. ხაჭოს ბურთულებს შორის ცარიელი ადგილები კარგად ამოავსეთ.
- ღუმელი გააცხელეთ 180 გრადუს ტემპერატურაზე. მოსამზადებლად დასჭირდება 30-40 წუთი. დესერტი ფორმიდან გაგრილების შემდეგ ამოიღეთ.
- ამზადებთ მინანქარს შოკოლადი დატეხეთ და გაადნეთ ორთქლის აბაზანაზე, დაამატეთ ნაღები, თაფლი, კარაქი და აურიეთ ერთგვაროვანი მასის მიღებამდე.
გაგრილებული დესერტი დაფარეთ მომზადებული მინანქრით. გემრიელად მიირთვით და ისიამოვნეთ!
