შემოგთავაზებთ ხაჭოს საოცრად გემრიელი და ნაზი ბლინების რეცეპტს.
მოსამზადებლად დაგჭირდებათ შემდეგი ინგრედიენტები:
- ფქვილი 250 გრ
- ხაჭო 250 გრ
- კვერცხი 3 ცალი
- ზეთი 5 ს. კ.
- რძე 300 მლ
- შაქარი 4 ს. კ.
- ვანილი
- გამაფხვიერებელი 10 გრ
- მარილი მწიკვი
მომზადების წესი:
- ათქვიფეთ კვერცხი შაქართან, მარილთან და ვანილთან ერთად.
- შემდეგ დაამატეთ ხაჭო. გაცრილი ფქვილი და გამაფხვიერებელი აურიეთ.
- ხაჭოიანი მასა გაყავით ორ ნაწილად. ერთ ნაწილს შეაზილეთ ფქვილისა და გამაფხვიერებლის ნარევი. მიიღებთ სქელ ცომს. ცომს შეურიეთ ხაჭოიანი მასის მეორე ნაწილი და რძე. მიიღებთ თხელ ცომს.
- მომზადებულ ცომს დაამატეთ ზეთი და კარგად აურიეთ. აცხობთ ჩვეულებრივი წესის მიხედვით.
უგემრიელესი ბლინები თვალისდახამხამებაში აღარ იქნება, რადგან ეს გემრიელობა ყველას, ბავშვებსაც და უფროსებსაც, ძალიან უყვარს. მოამზადეთ და ისიამოვნეთ!
