შემოგთავაზებთ კეფირის ბაზაზე მომზადებული ლიმონის არომატით გაჯერებული ფუმფულა დონატების რეცეპტს.
ცომის მოსამზადებლად დაგჭირდებათ შემდეგი ინგრედიენტები:
- კეფირი 250 მლ
- არაჟანი 1 ს. კ.
- სოდა 1 ჩ. კ.
- კვერცხი 1 ცალი
- მარილი ნახევარი ჩ. კ.
- შაქარი 6 ს. კ.
- ზეთი 2 ს. კ. ცომისთვის და 100 მლ შესაწვავად
- ფქვილი 450 გრ
- ლიმონის ცედრა 2 ს. კ.
- ლიმონის წვენი 2 ს. კ.
მომზადების წესი:
- კეფირი, არაჟანი, სოდა აურიეთ და გააჩერეთ 10 წუთი.
- ათქვიფეთ კვერცხი, ვანილი, 2 ს. კ. ზეთი, შაქარი, მარილი, ლიმონის წვენი და ცედრა.
- კვერცხიანი მასა შეათქვიფეთ კეფირიან მასას.
- გაცრილი ფქვილი ნაწილ-ნაწილ დაამატეთ მომზადებულ მასას. ცომს ზელთ კოვზით.
- სამუშაო ზედაპირზე წაუსვით ზეთი. ზეთი წაისვით ხელებზეც.
- ცომი გადმოიტანეთ სამუშაო ზედაპირზე და გამოხელეთ გუნდა. დონატების ცომს არ უნდა ბევრი ზელა.
- შემდეგ ზედაპირზე მოაყარეთ ცოტა ფქვილი და ცომი გააბრტყელეთ 5 სმ სისქის მრგვალ ფენად. ჭიქით ამოჭერით წრეები. თითოეულ წრეზე შუამდე გააკეთეთ 6 გრძივი ჭრილი.
- დონატებს ამზადებთ ტაფაზე. დაასხით ზეთი, გააცხელეთ და დონატები შეწვით ორივე მხრიდან.
ოქროსფრად დაბრაწული, ფუმფულა დონატები ჯერ ხელსახოცზე დააწყვეთ, შემდეგ გადაიტანეთ ლანგარზე, მოაფრქვიეთ შაქრის ფხვნილი და გემრიელად მიირთვით.
