ზურგის, თეძოებისა და მუხლების ტკივილის მიზეზი თქვენი ფეხებია. შეასრულეთ 5 სავარჯიშო და დაივიწყეთ ტკივილი
თუ ფეხებს, თქვენ მთავარ მამოძრავებელ ძალას შეუნარჩუნებთ ჯანმრთელობას, დაგეხმარებათ თავი დააღწიოთ ზურგის, მუხლებისა და თეძოს ტკივილს.
ნებისმიერი ფიზიკური დატვირთვის დროს ფეხები და ზურგი სხეულის მთავარი მამოძრავებელი ნაწილებია.
წერტილოვანი მასაჟი 5000 წელზე მეტია ჩინური მედიცინის ნაწილია. სხეულის კონკრეტულ წერტილებზე ზეწოლა ხელს შეუწყობს სტრესის მოხსნას, ასტიმულირებს სხვადასხვა ორგანოების მუშაობას და კურნავს ჯანმრთელობასთან დაკავშირებულ გარკვეულ პრობლემებს.
წერტილოვანი მასაჟი ასრულებს იგივე ფუნქციას, რასაც ნემსებით ჩხვლეტა.
სტატიაში მოცემული 5 სავარჯიშო დაგეხმარებათ აღმოფხვრათ ტკივილი, გაიძლიეროთ ფეხები და გაიუმჯობესოთ ხერხემლის მდგომარეობა.
1. ფეხის თითებზე ზეწოლა
თავდაპირველად შეასრულეთ ნებისმიერი ვარჯიში და გაიხურეთ კუნთები. ფეხების მოსადუნებლად და კუნთების გასახურებლად ფეხის თითებზე ზეწოლა საუკეთესო საშუალებაა.
დარჩით ამ მდგომარეობაში და დაითვალეთ სამამდე. შეასრულეთ ვარჯიშები დღეში 3-ჯერ.
2. ფეხის თითებზე სიარული
მართალია, ბალერინა არ ხართ, მაგრამ იარეთ ფეხის თითებზე. ეს ვარჯიში ამაგრებს ფეხის კუნთებს. დადექით ფეხის თითებზე და იარეთ 20 წამის განმავლობაში. დაისვენეთ 10-15 წუთით და ისევ გააგრძელეთ სიარული, გაიმეორეთ 5-ჯერ.
საუკეთესო შედეგისათვის ვარჯიში გაიმეორეთ დღეში 2-ჯერ.
3. ტერფების გასამაგრებლად
მნიშვნელოვანია ტერფის მოძრაობა და მოქნილობა.
ტკივილი ფეხის, ზურგის, თეძოსა და მუხლის შეიძლება გამოწვეული იყოს ტერფების ზონაში არსებული პრობლემებისგან.
დაწექით ზურგზე, აწიეთ ფეხი და დაატრიალეთ ტერფი საათის ისრის მიმართულებით 10-ჯერ. შეცვალეთ ფეხი და ახლა იგივე ვარჯიში შეასრულეთ მეორე ფეხით.
4. მოღუნვის წინააღმდეგობა
ამ ვარჯიშის მიზანია ფეხებზე არსებული პატარა კუნთების გაძლიერება, რომლებიც პასუხისმგებელი არის თქვენი წონასწორობის შენარჩუნებაზე. ეს ვარჯიში დაგეხმარებათ კუნთების დაჭიმვასა და დაზიანებების თავიდან აცილებაში.
დაჯექით იატაკზე, გაჭიმეთ ფეხები თქვენ წინ, შემოიხვიეთ დაგრეხილი პირსახოცი ტერფებზე, ბოლოებში კი ჩაჭიდეთ ხელები. ნელ-ნელა მოქაჩეთ პირსახოცი თქვენკენ. ვარჯიში შეასრულეთ 10-ჯერ.
5. აიღეთ ფანქარი ფეხის თითებით
ეს ვარჯიში ძალიან მარტივია.
დადეთ ფანქარი იატაკზე, აიღეთ ფეხის თითებით და 10 წამით გაიჩერეთ და შემდეგ დაწიეთ. ვარჯიში შეასრულეთ 5-ჯერ, იგივე ვარჯიში შეასრულეთ მეორე ფეხით.
შეასრულეთ მოცემული ვარჯიშები და მოიგვარეთ ჯანმრთელობასთან დაკავშირებული პრობლემები.
