მოამზადეთ უგემრიელესი შოკოლადი, რომელიც თამამდ შეგიძლიათ აჭამოთ პატარებს. ის ხომ მათი საოცნებო ტკბილეულია.
სტატიაში შემოგთავაზებთ შოკოლადის რეცეპტს, რომლის მოსამზადებლად დაგჭირდებათ შემდეგი ინგრედიენტები:
- კაკაო 5 ს. კ.
- შაქარი 6-7 ს. კ.
- კარაქი 50 გრ
- რძე 5 ს. კ.
- ფქვილი 1 ჩ. კ.
- ნიგოზი სურვილისამებრ
- ვანილი
ნამდვილი საშინაო შოკოლადის მომზადების წესი:
- აიღეთ საშუალო ზომის ქვაბი, ჩაასხით 1 ს. კ. რძე, ჩაყარეთ კაკო, შაქარი და ყველაფერი კარგად აურიეთ. დაამატეთ დარჩენილი რძე და დადგით დაბალ ცეცხლზე.
- მიღებულ მასას განუწყვეტლივ ურიეთ და მიიყვანეთ ადუღებამდე. ამის შემდეგ დაამატეთ კარაქი და შოკოლადის მასა რამდენიმე წუთი კიდევ უფრო დაბალ ცეცხლზე ადუღეთ.
- შემდეგ გამორთეთ, დაამატეთ გაცრილი ფქვილი და კარგად აურიეთ. ქვაბი კვლავ დადგით დაბალ ცეცხლზე და მიიყვანეთ ადუღებამდე. ცოტა ხნის შემდეგ დაამატეთ ვანილი.
- გაამზდეთ ყინულის ფორმები, სათითაოდ წაუსვით კარაქი და ჩაასხით შოკოლადი.
გსურთ, თქვენი შოკოლადი ნიგვზით ან თხილით გააგემრიელოთ?
- მაშინ ფორმებში ჩადეთ სასურველი ზომის ნიგვზის ან თხილის ნაჭერი და ჩაასხით შოკოლადი.
- ისღა დაგრჩენიათ, უგემრიელესი შოკოლადი გააციოთ, ამიტომ 2-3 საათით შედეთ მაცივარში.
- აი, თქვენი პატარების საოცნებო ნუგბარიც მზად არის.
ფანტაზიას საზღვარი არ აქვს და შოკოლადის საოცარ გემოს კიდევ უფრო მეტი ხიბლი შეგიძლიათ შეჰმატოთ ქიშმიშით ან ჩირით.
