უგემრიელესი და დაუვიწყარი ნამცხვარი ,,პრაღა“, რომელიც ერთხელ მაინც თუ დაგიგემოვნებიათ, ვერ დაივიწყებთ.
ფუმფულა, ჰაეროვანი შავი ბისკვიტების მოსამზადებლად დაგჭირდებათ შემდეგი ინგრედიენტები:
- ფქვილი 1,5 ჩ. ჭ.
- რძე 500 მლ
- შაქარი 2 ჩ. ჭ.
- კვერცხი 2 ცალი
- არაჟანი 1 ჩ. ჭ.
- შესქელებული რძე 6 ს. კ.
- კაკაო 7 ს. კ.
- კარაქი 300 გრ
- მანანის ბურღული 4 ს. კ.
- სოდა 2 ჩ. კ.
- ვანილი მწიკვი
- კონიაკი 20 გრ
- შოკოლადი
მომზადების წესი:
ვამზადებთ კრემს
- რძეში მოხარშეთ მანანის ბურღული, დაამატეთ შაქარი (ნახევარი) და ადუღეთ 10 წუთი. შემდეგ გააციეთ და შეაზავეთ კონიაკით, ვანილით, 3 ს. კ.
- კაკაოთი. მომზადებულ მასას დაამატეთ გამდნარი კარაქი.
- უგემრიელესი მანის ბურღულის კრემიც მზად არის.
ცომის მომზადება
- შაქარი, არაჟანი, კვერცხი და შესქელებული რძე ათქვიფეთ, დაამატეთ სოდა, კაკაო და ფქვილი.
- ღუმელი გააცხელეთ 140 გრადუს ტემპერატურაზე. საცხობ ფორმას წაუსვით კარაქი. მომზადებული ცომი გაყავით 2 თანაბარ ნაწილად და გამოაცხვეთ (თითოეული ფენა ღუმელში დააყოვნეთ ნახევარი საათი). იმისათვის რომ ფენები ადვილად ამოიღოთ, ფორმა რამდენიმე წუთით ჩადეთ ცივ წყალში.
- მზა ფენები გაყავით შუაზე (სულ გამოგვივა 4 ფენა).
- ფენებს შორის წაუსვით კრემი და მოაყარეთ დაჭრილი ნიგოზი
- ზემოდან მოასხით გამდნარი შოკოლადი.
მიირთვით უგემრიელესი შავი საოცრება და ისიამოვნეთ.
