სტატიაში შემოგთავაზებთ ადუღებული წყლით მომზადებული ჰაეროვანი და ფუმფულა ბისკვიტის რეცეპტს.
ბისკვიტის მოსამზადებლად დაგჭირდებათ შემდეგი ინგრედიენტები:
- კვერცხი 5 ცალი
- შაქარი 200 გრ.
- ვანილი
- 200 გრ ფქვილი
- გამაფხვიერებელი 1 ჩ. კ.
- ზეთი 50 მლ.
- მდუღარე 50 მლ (3 ს. კ.)
- ლიმონმჟავა მწიკვი
ბისკვიტის გამოსაცხობად დაგჭირდებათ 20 სმ-იანი დიამეტრის საცხობი ფორმა.
მომზადების წესი:
- პირველ რიგში, თქვეფთ კვერცხს მიქსერის დაბალ სიჩქარეზე. სიჩქარეს ნელ-ნელა უმატებთ.
- თანდათან დაამატეთ შაქარი და 10 წუთის განმავლობაში კარგად ათქვიფეთ. მასა გათეთრდება და გაორმაგდება. დაამატეთ მწიკვი ლიმონმჟავა.
- ცალკე თასში აურიეთ გაცრილი ფქვილი, გამაფხვიერებელი (შეგიძლიათ ჩაის კოვზამდე სოდით ჩაანაცვლოთ), ვანილი და ნელ-ნელა დაამატეთ კვერცხიან მასას.
- მოსარევად გამოიყენეთ ხის ან სილიკონის ნიჩაბი. ურევთ ქვემოდან ზემოთ ერთი მიმართულებით. თანდათან დაამატეთ მდუღარე და ზეთი.
- გაითვალისწინეთ, სითხე ქვემოთ იწყებს დალექვას, ამიტომ კარგად აურიეთ (ურევთ ქვემოდან ზემოთ ერთი მიმართულებით).
- თუ თქვენ კაკაოს ბისკვიტის მომზადება გსურთ, მაშინ 200 გრ ფქვილის ნაცვლად დაგჭირდებათ 130 გრ ფქვილი და 70 გრ კაკაოს ფხვნილი.
- ფორმაში ჩააფინეთ ცხიმწასმული პერგამენტი, ცხიმი წაუსვით კედლებზედაც და გადაასხით მომზადებული ცომი.
- ბისკვიტი გამოაცხვეთ 170 გრადუს ტემპერატურაზე 30-40 წუთის განმავლობაში.
შეგიძლიათ მოამზადოთ თქვენთვის სასურველი კრემი, გამოიყენოთ სასურველი ხილი და მოამზადოთ გემრიელი ტორტი. ეს უკვე თქვენს ფანტაზიაზეა დამოკიდებული. გემრიელად მიირთვით და ისიამოვნეთ!
