დასუსტებული იმუნური სისტემა ვერ უმკლავდება ვირუსების შემოტევას და რესპირატორულ დაავადებათა გავრცელების მიზეზი ხდება. ამ დაავადებათა თავიდან ასაცილებლად აუცილებელია იმუნიტეტის გაძლიერება.
იმუნური სისტემის გასაძლიერებლად მულტივიტამინების უამრავი ასორტიმენტი არსებობს, მაგრამ კომერციული საშუალებები დანამატებს შეიცავს, რომელიც ორგანიზმისთვის საზიანოა. მოცემული პრობლემის გადაჭრა შეგიძლიათ ბუნებრივი ინგრედიენტებით გაჯერებული ხელნაკეთი საშუალებებითაც. მათი წყალობით შეძლებთ ორგანიზმის ბუნებრივ დაცვას და ჯანმრთელობასთან დაკავშირებული მრავალი პრობლემის მოგვარებას.
ჯანმრთელობისთვის აუცილებელია ძლიერი იმუნური სისტემა. თითოეული ადამიანი ვალდებულია იზრუნოს მის გაძლიერებაზე.
შემოგთავაზებთ ბუნებრივი ვიტამინებით დატვირთულ ნაზავს. მოცემული საშუალების გამოყენება დასაშვებია როგორც უფროსებისთვის, ისე ბავშვებისთვის.
საჭირო ინგრედიენტები:
- 100 გრ ქიშმიში (უწიპწო)
- 150 გრ ნიგოზი
- 100 გრ ნუში
- 2 ლიმონის ცედრა და წვენი
- 100 გრ გარგრის ჩირი
- 100 გრ შავი ქლიავის ჩირი
- 300 გრ თაფლი
მომზადების წესი:
მოცემული ჩირები გარეცხეთ, გააშრეთ, შემდეგ დაჭერით წვრილად და დააბლენდერეთ ან გაატარეთ. ასევე გაატარეთ ან დააბლენდერეთ ნიგოზი, ნუში, ლიმონის ცედრა და აურიეთ. მიღებული ნარევი შეაზავეთ ლიმონის წვენით, თაფლით და 1-2 დღით სიბნელეში დააყოვნეთ.
მიღების წესები:
უფროსებისთვის დასაშვებია 1-2 ს. კ. დღეში 3-ჯერ, ჭამის წინ, ხოლო 3 წლის ზემოთ ასაკის ბავშვებისთვის თითო-თითო ჩ. კ. დღეში 2-ჯერ.
რეცეპტი N2
იმუნიტეტის გამაძლიერებელი ხელნაკეთი საშუალებების მოსამზადებლად დაგჭირდებათ შემდეგი ინგრედიენტები:
- 200 გრ გარგრის ჩირი
- 200 გრ შავი ქლიავი
- 200 გრ ლეღვის ჩირი
- 200 გრ ნიგოზი
- 1 ლიმონი
- 250 გრ თაფლი
მომზადების წესი:
- ლიმონი კარგად გარეცხეთ, დაჭერით ნაჭრებად, თესლებისგან გაასუფთავეთ და დააბლენდერეთ. მოცემული ჩირები გარეცხეთ, გააშრეთ, შემდეგ დაჭერით წვრილად და დააბლენდერეთ ან გაატარეთ. ასევე დააბლენდერეთ ნიგოზიც. მიღებულ მასას დაამატეთ თაფლი და კარგად აურიეთ.
- მზა მასა გადაიტანეთ კონტეინერში და შეინახეთ მაცივარში. მიიღეთ 1 ს. კ. ჭამის წინ, დღეში 3-ჯერ. შემოთავაზებული ნაზავის მიღება განკუთვნილია უფროსებისთვის.
მოამზადეთ შემოთავაზებული საშუალებები, რომლებიც განსაკუთრებით აუცილებელია ავადმყოფობის შემდეგ ძალების აღსადგენად, აგრეთვე ჯანმრთელი ადამიანებისთვის საუკეთესო პროფილაქტიკური საშუალებაა, რომელიც გაჯერებულია ვიტამინებით, მინერალებით, ფერმაენტებით, ბუნებრივი მჟავებით, ლიპიდებითა და ანტიოქსიდანტებით.
მათი წყალობით შეძლებთ იმუნიტეტის გაძლიერებას, ორგანიზმის აღდგენას, აირიდებთ გრიპსა და გაციებას, გაიძლიერებთ სისხლძარღვებს. გისურვებთ ჯანმრთელობას!
