ემოგთავაზებთ უმარტივესი და უძლიერესი სასმელის, შვრიის წყლის, რეცეპტს. შვრია გაჯერებულია ბეტა-გლუკანებით, ხსნადი ბოჭკოებით, და პოლიფენოლებით, რომლებიც უძლიერესი ანტიოქსიდანტებია.
შვრიის წყლის გამოყენება აბალანსებს მადას, განაყრებთ და დიდი ხნით გინარჩუნებთ სრულყოფილების შეგრძნებას, რასაც შედეგად მოჰყვება მიღებული საკვების რაოდენობის შემცირება.
გარდა იმისა, რომ სასმელი გაგათავისუფლებთ ზედმეტი კილოგრამებისგან, მისი წყალობით მოიგვარებთ ჯანმრთელობასთან დაკავშირებულ მრავალ პრობლემას.
ბოჭკოების მაღალი შემცველობის წყალობით სასმელი საუკეთესოა ყაბზობისგან გასათავისუფლებლად.
ხელს უწყობს მეტაბოლიზმის ასწრაფებას.
შვრიის შემადგენლობაში შემავალი ხსნადი ბოჭკოების მაღალი დონე ხელს უწყობს ქოლესტერინის დონის შემცირებას.
შვრია არეგულირებს სისხლში შაქრის დონეს და აგარიდებთ სისხლში შაქრის უეცარ ვარდნას.
არეგულირებს სისხლის წნევას.
შვრია შეიცავს B ჯგუფის ვიტამინებს. ეს ვიტამინები მონაწილეობას იღებს მეტაბოლიზმის პროცესში. B ჯგუფის ვიტამინები აუცილებელია ჯანსაღი ნერვული სისტემისთვის და სისხლის წითელი უჯრედების სინთეზისთვის.
შემოგთავაზებთ რეცეპტს, რომლის მიხედვითაც მოამზადებთ დაუჯერებლად ეფექტურ და გემრიელ სასმელს.
შვრიის წყლის მოსამზადებლად დაგჭირდებათ შემდეგი ინგრედიენტები:
- 1 ფინჯანი შვრიის ფანტელი + 4 ფინჯანი წყალი
- 6-7 ფინჯანი წყალი
- 1 ჩ. კ. დარიჩინის ან კაკაოს ფხვნილი
- თაფლი თქვენი სურვილის მიხედვით
მომზადების წესი:
- 1 ფინჯან შვრიის ფანტელს დაასხით 4 ფინჯანი წყალი და 7 საათით გააჩერეთ. ამ დროის განმავლობაში შვრია იფილტერა და იწმინდება სუფთა წყლით. შემდეგ ნარევი გადაწურეთ.
- შვრიას დაამატეთ მოცემული ინგრედიენტები და ერთგვაროვანი მასის მიღებამდე დააბლენდერეთ. შემდეგ გადაწურეთ, გადაიტანეთ მინის ბოთლში და შეინახეთ მაცივარში.
მიღების წესები:
შვრიის წყლის მიღება მშიერ კუჭზე არ შეიძლება. კარგი იქნება, თუ ჯერ კენკრის ან ბოსტნეულის სმუზს მიირთმევთ და შვრიის წყალს 20-25 წუთის შემდეგ მიიღებთ. ასევე შეგიძლიათ დალიოთ კვებათა შორის, ყოველი ჭამის შემდეგ რამდენიმე ყლუპის ოდენობით. დალიეთ სასმელი ყოველდღიურად მის ამოწურვამდე, შემდეგ გააკეთეთ მინიმუმ 1 კვირიანი შესვენება. სურვილისა და საჭიროების შემთხვევაში გაიმეორეთ კურსი. გარდა ამისა, შვრიის წყალი შეგიძლიათ სმუზებში გამოიყენოთ ძროხის რძის ნაცვლად. გისურვებთ ჯანმრთელობას!
