შემოგთავაზებთ რძის ბაზაზე მომზადებული საფუვრიანი ცომის რეცეპტს. დამერწმუნეთ, დიდ სიამოვნებას მიიღებთ ამ ცომთან მუშაობის პროცესში. ფაფუკი, დამყოლი ცომით შეძლებთ როგორც დესერტების, ისე სხვა გემრიელობების მომზადებას.
ცომის მოსამზადებლად დაგჭირდებათ შემდეგი ინგრედიენტები:
- 11 გრ საფუარი
- 1 ჩ. კ. მარილი
- 2 ს. კ. შაქარი
- 1 ცალი კვერცხი
- 250 მლ თბილი რძე
- 6 ს. კ. ზეთი
- 500 გრ ფქვილი
მომზადების წესი:
- ღუმელი ჩართეთ 150 გრადუს ტემპერატურაზე და დაიწყეთ ცომის მომზადება.
- თასში მოათავსეთ კვერცხი, მარილი, შაქარი, საფუარი, თბილი რძე და აურიეთ, ბოლოს დაამატეთ ზეთი. ნელ-ნელა შეაზილეთ ფქვილი.
- თუ ცომი ხელებზე აღარ გეკრობათ, ფქვილი აღარ დაამატოთ. გაცხელებული ღუმელი გამორთეთ, მაგრამ კარი არ გამოაღოთ. ცომი ჩადეთ თასში, გადააფარეთ საკვების ცელოფანი, გაახვიეთ ტილოში და 20-25 წუთით შედეთ თბილ ღუმელში.
- ფუმფულა, ჰაეროვანი ცომი მზად არის, მსუბუქად ჩაზილეთ და
- მოამზადეთ რაც გსურთ. ტკბილი დესერტები, ღვეზელები, ხორცის ან სოკოს პეროგი, ფუნთუშები ან ცომში გადახვეული სოსისები.
- ცომს აქვს ნეიტრალური გემო, მდიდარი არომატი და შეესაბამება ნებისმიერ შიგთავსს.
გამოსაცხობად დასჭირდება 180 გრადუსი ტემპერატურა. ცხობის ხანგრძლივობა განსაზღვრეთ თქვენი ნახელავის ზომის მიხედვით. ცადეთ ერთხელ და ის თქვენი რჩეული გახდება!
