კარტოფილი ფართოდ გავრცელებული ბოსტნეულია. იგი გამოიყენება მრავალფეროვანი კერძების მოსამზადებლად.
ამჯერად, ვისაუბრებთ კარტოფილის წვენის სარგებელის შესახებ. კარტოფილის წვენი უძლიერესი სამკურნალო საშუალებაა, რომელიც გაჯერებულია უამრავი სასარგებლო ნივთიერებით. მის შემადგენლობაში 30-მდე ელემენტი შედის. კარტოფილის წვენის ზომიერად გამოყენებით შეძლებთ ჯანმრთელობასთან დაკავშირებული მრავალი პრობლემის მოგვარებას.
სამკურნალო თვალსაზრისით გამოიყენეთ საშუალო ზომის ჯანსაღი კარტოფილი, რომელსაც კანზე არ უნდა ჰქონდეს მწვანე საფარი. არ არის სასურველი ახალი და მოყინული კარტოფილის გამოყენება. უამრავი სასარგებლო ნივთიერებით გაჯერებული კარტოფილის წვენი მიიღეთ მომზადებისთანავე. ამ გზით ხელს შეუწყობთ ორგანიზმის მეტი საკვები ნივთიერებით გაჯერებას. ნივთიერებები, რომლებიც სასარგებლოა ორგანიზმისთვის მცირე რაოდენობით, შეიძლება უკონტროლოდ მიღების შემთხვევაში საზიანოც გახდეს.
კარტოფილის წვენი ანთების საწინააღმდეგო საშუალებაა, რომელიც საუკეთესოა ართრიტისა და სხვა ანთებითი დაავადებების სამკურნალოდ. გარდა ამისა, კარტოფილის წვენი მთელ ორგანიზმში არეგულირებს სისხლის მიმოქცევას.
კარტოფილის წვენი ტუტე პროდუქტია. ის ხელს უწყობს სხეულის ალკალიზაციას, რაც იცავს ორგანიზმს ისეთი საშიში დაავადებებისგან, როგორიცაა გულ-სისხლძარღვთა დაავადებები და კიბოც კი.
კარტოფილის წვენი აქტიურად გამოიყენება ეგზემის, აგრეთვე აკნეს სამკურნალოდ. ახალგამოწურული წვენით დაიმუშავეთ დაზიანებული ადგილები და სასურველ შედეგს მალე მიიღებთ, რადგან კარტოფილის წვენი ხელს უწყობს კანის მოკლე დროში გაწმენდას.
მაშინ, როცა კარტოფილის ბაზაზე მომზადებული კერძები იწვევს წონაში მატებას, კარტოფილის წვენი დაგეხმარებათ ზედმეტი კილოგრამებისგან გათავისუფლებაში.
კარტოფილის წვენი საოცრებებს ახდენს პოდაგრის დროს. ის გამოდევნის ორგანიზმიდან შარდმჟავას.
კარტოფილის წვენი ამცირებს ქოლესტერინის დონეს. რაც თავის მხრივ, აუმჯობესებს ორგანიზმის საერთო მდგომარეობას, ხელს უწყობს თქვენი ჯანმრთელობისა და კეთილდღეობის გაუმჯობესებას.
კარტოფილის წვენი ყველასთვის ხელმისაწვდომი დეტოქს საშუალებაა. თუ გსურთ ღვიძლის ან ნაღვლის ბუშტის ტოქსინებისგან გაწმენდა მიიღეთ კარტოფილის წვენი. სამკურნალო პროცედურები ჩაიტარეთ წელიწადში ერთხელ 10 დღის განმავლობაში. მიიღეთ უზმოზე კარტოფილის ახალგამოწურული წვენი 10-12 ს. კ.
მრავალრიცხოვანი გამოკვლევების შედეგად დადასტურებულია, რომ კარტოფილის წვენი ეფექტურად გამოიყენება პანკრეატიტის, აგრეთვე თირკმელების დაავადებათა სამკურნალოდ.
პანკრეატიტის დროს კარტოფილის წვენი უნდა მიიღოთ სტაფილოს წვენთან კომბინაციაში (10-10 ს. კ.). ნარევი მიიღეთ უზმოზე 10 დღის განმავლობაში. შეისვენეთ 3 თვე და კვლავ გაიმეორეთ. დასაშვებია მხოლოდ 2 კურსი. სამკურნალო პროცედურები 1 წლის შემდეგ კვლავ გაიმეორეთ.
კარტოფილის წვენი გამოიყენება მაღალი წნევის დასარეგულირებლად. ჰიპერტენზიით დაავადებულმა ადამიანებმა დილით, უზმოზე, უნდა მიიღონ 10 ს. კ. კარტოფილის წვენი. სამკურნალო პროცედურების ხანგრძლივობა 10 დღე. 20 დღე შეისვენეთ და კვლავ გაიმეორეთ.
წითელი კარტოფილის წვენი მდიდარია ანტოციანინებით, რომლებიც აფერხებს კიბოს უჯრედების განვითარებას, ხოლო ყვითელი კარტოფილის წვენი შეიცავს დიდი რაოდენობით ზეაქსანტინს, რაც სასარგებლოა მხედველობისთვის.
კარტოფილის წვენის მიღების დოზა სტანდარტულია 10-12 ს. კ.მკურნალობის პროცესში ნუ მიიღებთ ცხარე საკვებს. მკურნალობის დაწყებამდე სამი დღით ადრე მენიუდან გამორიცხეთ არამცენარეული ცილოვანი საკვები და, რაც უფრო დიდი ხნით შეწყვეტთ მათ მიღებას, მით უფრო ეფექტურ შედეგს მიიღებთ. გისურვებთ ჯანმრთელობას!
